سرپل ده دهقان‌لردن بیرقطاری، ۱۰۰ مینگ دن ۱۲۰ مینگ افغانی گچه قریب ۳۰ جریب ییر ده کونجوت ایککن‌لر ایتیشلریچه، کیتمه_کیت قوروقچیلیک باعث محصولات‌لری یخشی حاصل بیرمه‌ی و مالی زیان کورگنلر.
سرپل ده‌گی دهقان‌لردن امین‌الله نینگ ایتیشیچه، اوشبو ییل یامغیر یاغمسلیگی باعث کونجوت ایکینی حاصل بیرمه‌گن. او نینگ کوپه‌یتیریشیچه: «زیان کورگن من، کونجوت نی ;کسل آلگن؛ دوا ساتیب آلیش گه پولیم یوق. دهقان‌لر قوللب_قوتله‌نیشینی ایسته‌ی‌میز.»
بیزلرنینگ فیسبوک صحیفه‌میزگه باش اورینگ!
سرپل ده دهقان‌لردن باشقه بیری شایسته‌خان گه کوره، اوشبو ولایت ده دهقانچیلیک ترقیاتی اوچون دقت قیلینمه‌گن و هر ییلی دهقان‌لر کوپ زیان کوره‌دیلر: «هر ییلی امید بیلن کونجوت ایکه‌میز؛ بیراق نباتی و شیره کسل‌لری زیان ییتکیزگن و هیچ محصول آلالمه‌یمیز، بیز گه یاردم بیریش‌لرینی ایسته‌ی‌میز.»
سرپل ده‌گی دهقان‌لر، یاردم بیرووچی تشکیلات‌لر و حکومت مسئوللری دن اوشبو ولایت ده‌گی دهقان‌لر گه یاردم بیریش‌لرینی سوره‌یدیلر.
سرپل ایکینچیلیک، سوغاریش و چاروه‌چیلیک ریاستی مسئوللری نینگ ایتیشلریچه، اوشبو ییل ده قریب بیر مینگ ۵۲۰ هکتار ییر ده کونجوت ایکیلگن، اولر نینگ معلوماتی اساسیده، ۴۲۴ تُن کونجوت حاصل آلینگن.
بیزلرنینگ «ایکس» ترماغی ده هم تعقیب قیلینگ!
سرپل ایکینچیلیک باشلیغی عبدالقادر وحدت، اوشبو ولایت ده‌گی دهقان‌لر گه ایکینچیلیک زمانه‌وی اسلوب‌لر اساسیده ایکیش اوچون آگاهی‌لیک بیریش‌لریدن ایشانچ بیره‌دی. او نینگ کوپه‌یتیریشیچه: «قوروقچیلیک دهقان‌لر گه زیان ییتکیزگن، یاغینچیلیک بولمسه کونجوت یخشی حاصل بیرر ایدی؛ بیراق افسوس بیلن اوشبو ییل دیمه ایکین‌لر حاصل بیرگن یوق و دهقان‌لر کوپ زیان کوریشگن.»
سرپل ده دهقان‌لر، ایکین‌لری اوچون سوو ییتکزیب بیریلیشی و محصولات‌لری سوداسی اوچون مناسب بازار تاپیلیشی و ستندرد ساووقخانه‌لر قوریلیشینی سوره‌یدیلر.