ملی ترقیات شرکت مسئوللری نینگ ایتیشلریچه، سرپل ده «سلطان ابراهیم» سوو توغانی نینگ تیکشیریش ایشی، کیله‌سی بیر آی‌گچه باشلنه‌دی.
ملی ترقیات شرکت نینگ عملیاتی ایشلری بوییچه اورین باسری ریاض‌الدین شریفی گه کوره، اوشبو توغان نینگ قوریش خره‌جتی، سرپل ولایتی قشقری نفت کانی درآمدی آرقه‌لی توللـه‌نیله‌دی.
اونگه کوره، سلطان ابراهیم سوو توغانی نینگ تیکشیریش ایشی کیله‌سی بیر آی‌گچه ملی ترقیات اداره‌سی نینگ تخنیکی تیمی تامانیدن عملی روشده باشلنه‌دی.
سرپل حاکمی محمدیعقوب عبدالرحمان اکه و ملی ترقیات شرکتی نینگ عمومی باشلیغی عبدالرحمان عطاش، سه‌شنبه کونی، ۷-قوس، اوشبو توغان قوریله‌دیگن منطقه نی باریب یقیندن کورگنلر.
بیزلرنینگ فیسبوک صحیفه‌میزگه باش اورینگ!
باشقه تاماندن، سرپل حاکمی محمدیعقوب عبدالرحمان اکه گه کوره، سلطان ابراهیم سوو توغانی قوریلیشی بیلن بو ولایت همده جوزجان ده سوو ییتیشمسلیک و برق قیینچیلیگی حل بوله‌دی.
بوندن آلدین، سوو و برق وزیرلیگی سرپرستی عبدالطیف منصور، مذکور توغان نینگ قوریلیش خره‌جتی ۲۰۰ میلیون دالر تخمین ایتیلیب و قشقری نفت کانی درآمدی دن توللـه‌نیلیشینی ایتگن ایدی.
سوو و برق وزیرلیگی سرپرستی گه کوره، بو توغان بیر میلیون مترمکعب سوونی ییغیش و ۴۰ میگاوات برق ایشلب چیقریش کوچی بیلن قوریله‌دی.
بیزلرنینگ «ایکس» ترماغی ده هم تعقیب قیلینگ!
سرپل ولایتی یشاوچیلری و دهقان‌لری، هردایم کیتمه-کیت قورغاقچیلیک، سوو تنقیص‌لیگی و برق‌لری یوق‌لیگیدن شکایت قیلیب و سلطان ابراهیم سوو توغانی نینگ ایشی باشله‌نیشینی سوره‌گنلر.
