سرپل امنیه قوماندان‌لیگی سوزلاوچیسی دین‌محمد نظری نینگ سلام‌وطندار گه ایتیشیچه، اوشبو ولایت نینگ مرکزی «امام‌خُرد» قیشلاغیده ۴۰ یاشر بیرعیال، نامعلوم کیشی‌لر تامانیدن بوغیب اولدیریلگن.
سرپل امنیه قوماندان‌لیگی سوزلاوچیسی گه کوره، مذکور عیال نینگ جسدی بوگون (یکشنبه، ۱۵ عقرب) سرپل مرکزی خرابه قیشلاغی «اورته‌بز چولی» حدودلریدن تاپیلگن.
بیزلرنینگ فیسبوک صحیفه‌میزگه باش اورینگ!
جناب نظری نینگ کوپه‌یتیریشیچه، اوشبو عیال نینگ جسدی، سرپل امنیه قوماندان‌لیگی جنایی جرم‌لر گه قرشی کوره‌ش مدیریتی کوچلری تامانیدن ولایتی کسلخانه گه انتقال بیریلگن.
باشقه تاماندن، سرپل امنیه قوماندان‌لیگی جنایی جرم‌لر گه قرشی کوره‌ش مدیریتی نینگ ریجه‌لنتیریلگن جرم‌لرنی کشف قیلیش آمری شفیع‌الله زرقاوی، اوشبو حادثه سببینی عایله‌وی قیینچیلیک و اخلاقی فساد عنوان قیله‌دی.
بیزلرنینگ توییترده هم تعقیب قیلینگ!
جناب زرقاوی گه کوره، حادثه عامل‌لرینی قولگه آلیش مقصدیده کشفی و استخباراتی ارگان‌لر تامانیدن تحقیقات دوام ایتماقده.
ایتیش کیره‌ک که، اوتگن کون سرپل ولایتی صیاد تومنی «انگشکه» قیشلاغیده محمدنعیم اسملی بیر کیشی نامعلوم شخص‌لر تامانیدن کلتکله‌نیب و بوغیلیشدن کیین، اوققه توتیلیب اولدیریلگن ایدی.
