اسلام امیرلیگی تامانیدن بیلیم یورت‌لر ایشیگی قیزلر یوزیگه یاپیلیشی گه دایر مناسبت‌لر دوامیده، اسلام امیرلیگی نینگ ییریک شخصیت‌لریدن بولمیش صلاح‌الدین ایوبی اوز فیسبوک صحیفه‌سیده، بوتوغریده مناسبت بیلدیریب بو قرار قیته کوریب چیقیلیشینی طلب قیلگن.
جناب ایوبی، تعلیم آلیش ایرکک و عیاللر اوچون الهی فرض دیب و افغانستان خاتین قیزلریدن اسلام قاعده‌لری گه بناً حجاب نی رعایت ایتیش‌لرینی یازگن. اونینگ عیاللر گه خطاب یازیشیچه، علم اورگه‌نیب جمعیت گه فایده کیلتیریشنی ایسته‌سنگیزلر، کیله‌جک نسل‌نی تربیه‌لش اوچون اولا اوزلرینگیزنی اصلاح قیلینگ.
بیزلرنینگ فیسبوک صحیفه‌میزگه باش اورینگ!
شونینگدیک او، اسلام امیرلیگی ییریک رسمی‌لریدن، کیله‌جک نسل و مملکت آبادانچیلیگی اوچون قیز اوقووچیلر یوزی گه مکتب‌لر و بیلیم یورت‌لر ایشیگی آچیلیشینی سوره‌گن.
صلاح‌الدین ایوبی، اسلام امیرلیگی مسئوللری دن قیز اوقووچیلر یوزی گه مکتب و بیلیم یورت‌لر ایشیگینی یاپیش اورنیده، اولر گه تعلیم و تحصیل شرایطی یره‌تیلیشینی ایسته‌گن.
ایوبی، قیزلر گه مکتب و بیلیم یورت باریش رخصتی بیریلمه‌ی و شفاکار عیال بولمه‌گن حالده، عیاللرنی کیم دواله‌یدی دیب یازگن.
او، اسلام امیرلیگی ییریک رسمی‌لری نینگ توشینچه‌سی، صحابه و خلیفه‌لر توشینچه‌سیدن یوقاری می دیب، سوال بیرگن.
بیزلرنینگ توییترده هم تعقیب قیلینگ!
اونگه کوره، اسلام امیرلیگی رسمی‌لری مکتب و بیلیم یورت‌لر ایشیک‌لرینی یاپیش بیلن فساد گه چیک قویماقچین بولسه، بو ایش بیلن فساد یوق بولمه‌یدی، عکسینچه کوپیه‌دی. شونینگدیک او اسلام امیرلیگی دن تعلیمی نصاب‌لرینی اسلام قاعده‌لری گه ماس توزه‌تیب مکتب و بیلیم یورت‌لرنی اوشبو نصاب‌لری اساسیده آچیش‌لرینی سوره‌گن.
ایتیش کیره‌ک که، صلاح‌الدین ایوبی بوندن آلدین، آلتینچی صنف دن یوقاری قیزلر نینگ مکتب‌لری یاپیلیشی گه مناسبت بیلدیریب و مکتب‌لر قیزلر یوزی گه آچیلیشینی ایسته‌گن ایدی.
