پروان خوفسیزلیک مسئوللری، سالنگ تونلی ایچیده بیر تیل تانکری آلاو آلگنی‌دن خبر بیر‌گنلر.
پروان امنیه قوماندانی عزیزالله عمر نینگ سلام‌وطندار گه ایتیشیچه، اوشبو کیچه (شنبه، ۲۶ قوس) ساعت ۸:۳۰ اطرافیده، بغلان دن کابل تامان یوللنگن بیر تیل تانکری، بغلان حدودلری گه قر‌شلی سالنگ تونلی‌دن ۵۰ متر اوزاق‌ده، تیل تانکری نینگ موتر تنه‌سیدن اجره‌لیشی عاقبتیده یانغین یوز بیرگن.
بیزلرنینگ فیسبوک صحیفه‌میزگه باش اورینگ!
پروان امنیه قوماندانی نینگ کوپه‌یتیریشیچه، حاضرگچه مذکور واقعه نتیجه‌سیده ۲۵ کیشی یره‌لنیب، ۲۲ کیشی ایسه هلاک بولگن و شونینگدیک تلفات رقمی نینگ اوزگریشی ممکن.
جناب عمر گه کوره، هلاک بولگن‌لر آره‌سیده عیال‌لر و باله‌لر هم شامل دیر و جسد‌لر نینگ حد‌دن زیاده کویگنی سبب، تانیلیشی قیین بولگن و شونینگدیک تونل تامی نینگ بیر قسمی تیل تانکری پارتلگنی نتیجه‌سیده، ییقیلگن دیر.
اونگه کوره، یول جنوب‌دن شمال و شمال‌دن جنوب گه اوتیب قیته‌دیگن برچه موترلر یوزیگه باغلیق دیر.
شونینگدیک حاضرگچه یولاوچی تاشووچی و یوک تاشووچی موترلر سالنگ قتناو یولی‌ده سرک نینگ آچیلیشی نی کوتیب تورگنلر.
بیزلرنینگ توییترده هم تعقیب قیلینگ!
پروان امنیه قوماندانی نینگ کوپه‌یتیریشیچه، مذکور یانغین گه سبب بولگن بیر تیل تانکری موتر نینگ هیداو‌چی‌سی پروان خوفسیزلیک کوچلری نینگ نظارتی آستیده قرار تاپگن و شونینگدیک کلینری ایسه بغلان خوفسیزلیک کوچلری تامانیدن توتقین گه آلینگن دیر.
ایتیش کیره‌ک که، واقعه شاهد‌لری سلام‌طندار گه، اوشبو واقعه‌ده کومیر یوکلنگن ایکی موتر نینگ یانیشی ممکن دیگن‌لر.
