سلاموطندار رادیوسی تامانیدن افغانستاننینگ ۲۲ ولایتیده ۵۰۰ یاش اورتهسیده اۉتکزگن ینگی سوراوی نتیجهلری گه کوره، مملکت دهگی اکثریت یاشلر خورسند و قیغو اورتهسیدهگی اورتهچه روحی حالتده اېکنلری معلوم قیلینگن.
اوشبو سوراوده، یاشلرنینگ خورسندلیک درجهسی ۱۰ نمرهلیک بیر مقیاسدن فایدهلنیب اولچنگن. سوراو گه اشتراک اېتگنلر، خورسندلیک حسلرینی ۱ دن ۱۰ گچه نمره تنلش بیلن اولچشگن؛ بو ییرده ۱ نمره اېنگ پست و ۱۰ نمره اېنگ یوقاری خورسندلیک درجهسینی کورستهدی. سوراو اساسیده، فقط ۲۰.۲ فایز اشتراک اېتگنلر خورسندلیکلری اوچون ۸ دن ۱۰ نمرهلرینی تنلهگن؛ عینحالده ۴۹ فایز اشتراک اېتگنلر ۴ دن ۷ و ۸ نمره و ۳۰.۸ فایزی اېسه ۱ دن ۳ نی تنلهگن-اېنگ پست خورسند اېکنلرینی کورستهدی.
اوشبو سوراو نتیجهلری اساسیده، یاشلرنینگ خورسندلیک سببلری عایله (۳۷.۲ فایز)، وظیفه یا که تحصیل (۲۹.۲ فایز)، اورتاقلر (۱۴.۴ فایز)، دمآلیش فعالیتلری (۱۳.۴ فایز)، جشن و محلی مراسملر (۵.۸ فایز) بولگن. باشقه تاماندن، ایشسیزلیک ۴۵ فایز، عایلهوی قیینیچلیکلر ۲۳.۶ فایز، دمآلیش اوچون امکانیت یوقلیگی ۱۹.۹ فایز، ناتینچلیک ۶.۸ فایز و جبری شکلده مملکت گه قیتریش ۴.۸ فایز بیلن، یاشلر اورتهسیده خورسندلیک و قیغو عامللریدن عنوان بولگن.
بیزلرنینگ فیسبوک صحیفهمیزگه باش اورینگ!
بامیانلیک ۲۵ یاشر فرشته، اوشبو سوراوده اۉزینی قیغولی اتهگن، بو احوالینینگ سببینی بوندهی ایضاحلهیدی: «اوقی آلمهدیم و عایلهوی قیینچیلیک بیلن روپهره من. آتهمنی قولدن بیردیم و شو مسئله باعث جوده قیغولندیم. تحصیل گه دوام بیره آلسم اېدیم بوگونلیک کونده هېچ بولمسه ۱۲-صنف سندینی آلگن بولردیم.عایلهده هېچ قچان مهر و محبت و خورسندلیک بولمهگن.»
کابل یشاوچیسی مریم، اۉزینی خورسندلیگی حقیده بوندهی دیېدی: «کابل بیلیم یورتینی عالی درجهده بیتّیرگنیم اوچون جوده هم خورسند من. ماسترلیک درجهسیگه قدر اوقیدیم و اېندی وظیفهم بار. بو احوالدن راضیمن و بالهلیک پیتیدهگی آرزوم گه ایریشدیم. حقیقتن هم خورسندلیک حس قیلهمن.»
شبانه، عایله تامانیدن قۉللب-قوتلنیش و تحصیل سندی بولیشینی خورسندلیک سببی و وظیفه فرصتی یوقلیگی و ایشسیزلیکنی اۉزینینگ تشویش سببی اتهیدی، اونگه کوره، خورسند و قیغوده اورتهسیده قالگن. «اوقیشنی بیتَیرگنیمدن خورسند من و اېندی سندیم بار. عایلهم یخشی و اولر یانیده اورتاقلریم هم بار. یگانه تشویشیم ایشسیزلیک دیر. کوپ قیینچیلیک بیلن درس اوقیدیم؛ بیراق حاضر بیکار من. باشقه تاماندن تشقری یا که پارک باره آلمسلیک تشویش قیلیش گه سبب بولهدی.»
بیزلرنینگ «ایکس» ترماغی ده هم تعقیب قیلینگ!
روانشناسلرنینگ ایشانچی گه کوره، تېنگ فرصتلر یوقلیگی، کمبغللیک، اقتصادی قیینچیلیک، ایشسیزلیک و اجتماعی چېکلاولر، افغانستاندهگی یاشلر اورتهسیده خورسندلیک درجهسی کمهیشی گه سبب بولگن.
روانشناس سهیلا درانی گه کوره: «افسوس بیلن حاضرگی شرایطده، افغانستاندهگی یاشلر کوپینچه قیینچیلیکلر بیلن روپهره دیر اولرنینگ اېنگ کوپ عمری ناراضیلیک و قیینچیلیک بیلن بیرگه دیر.»
شونینگدیک، جمعیتشناس راشد صدیقی، یاشلرنینگ احتیاجلری گه اعتبارسیزلیک قیلیش مملکتنینگ کېلهجگینی خوف آستیگه قوییشی ممکن دیب آگاهلنتیرهدی. اونینگ فکریچه، یاشلر اوچون ایش، هاردیق و اجتماعی امکانیتلرنی یرهتیش بارهسیده جدی سعی-حرکتلر آلیب باریلیشی ضرور. «ایشسیزلیک، ساغلام هاردیق چیقریش، امکانیتلرنینگ یېتیشمسلیگی و ثمرهلی اجتماعی دستورلرنینگ یوقلیگی-بو معمالر حل قیلینیشی ضرور بولگن مسئلهلر دیر. افغانستان حاضرده مهم و نازک بیر باشقیچده توریبدی، شونینگ اوچون رسمیلر یاشلر اوچون مناسب امکانیتلر و شرایطلر یرهتیش گه اعتبار قرهتیشلی شرط.»
بو سوراو نتیجهلری و یاشلر اوچون بولگن برنامهلری حقیده، سرپرست حکومت سۉزلاوچیسی ذبیحالله مجاهد و معلومات و مدنیت وزیرلیگینینگ فکر-ملاحظهلرینی آلیشگه اوریندیک؛ بیراق موفق بولمهدیک.
خلقارا شادلیک گزارش اساسیده- میلادی ۲۰۲۵-ییل، ۲۰ مارچ ده ترقهلدی، افغانستان دنیا مقیاسیده اېنگ غمگین مملکت تانیلگن؛ عینحالده، فنلند کیتمه-کیت سکیزینچی ییل دنیا مقیاسیده اېنگ خورسند مملکت تنلنگن.
