مسئله بیانی
انسان امید بیلن تیریک؛ بیراق اجتماعی تینچلیک، ترقیات امکانیتی بارلیگی، اقتصاد یخشی بولیش، مناسب وظیفه وامنیت تأمین اېتیلیشی، یاشلرنینگ کېلهجکّه نسبتن امیدوار بولیش عاملی حسابلنهدی.
مثبت اویلاو بیلن امیدوار بولیش، حیاتدهگی معمالر گه داش بیریش و اولر گه قرشی کورهشیش گه تورکی بولیشی ممکن شونی اوچون، بیز اوشبو گزارشده یاشلرنینگ کېلهجکّه نسبتن امیدوار بولیش رقمینی انیقلش اوچون سوارو اوتکزگنمیز. بو سوراو اساسیده، یاشلردن بیرقطاری تورلی سببلر باعث کېلهجکلری گه امیدوار و باشقه بیرقطاری هم امیدسیز دیر.
یاشلرنینگ کېلهجکّه نسبتن امیدوار بولیشی، آدمنینگ شخصی و اجتماعی حیاتیده تورلی اوزگریشلر و جامعه ترقیاتی گه سبب بولیشی ممکن.
نهایت، کېلهجکّه امیدوار بولیش آدملر گه تورتکی بیریش و اولرنی قۉللب-قوتلش افغانستانده مهم رولی بولگن موردن سنلهدی؛ بیراق یاشلرنینگ حیاتی اوزگریشی و ایش امکانیتلرینی یرهتیش اوچون ریجه توزیش کېرهک. یاشلرنینگ کېلهجکّه نسبتن امیدوار بولیشی و جامعه ترقیاتی اوچون اولرنینگ رولی گه قرهگنده، یاشلرنینگ کېلهجکّه نسبتن امیدوار بولیش رقمینی انیقلش اوچون بو سوراو اوتکزیلگن.
تدقیقات تاریخی
افغانستانده سۉنگی سیاسی اوزگریشلر، ایش و اوقیش گه یرهتیلگن چېکلاولر، ایرککلر گه نسبتن عیاللر گه کوپراق سلبی تأثیر قویگن. بیرقطار ایرککلرنینگ دولت ادارهلریدن ایشدن بوشهتیلیشی یاشلرنینگ امیدسیز بولیشی گه سبب بولگن و باشقه بیرقطاری یرهتیلگن چېکلاولر بیلن هم، کېلهجکّه نسبتن امیدوار.
چونکه، افغانستان خلقینینگ ۶۷ فایزینی یاشلر تشکیل بیرهدی، لېکن بو یاشلر اوقیش، تحصیل و ایش امکانیتلریدن فایدهلنه آلمهیدیلر.
بو سوراوده، یاشلرنینگ کېلهجکّه نسبتن امیدوارلیگینی تېکشیریش اوچون عیاللر و ایرککلر شامل یاشلر تنلنگن.
یېتکرمهلردن بیرقطاری افغانستانده سیاسی توزوم اوزگریشیدن آلدین، یاشلرنینگ کېلهجکّه نسبتن امیدوارلیک رقمینی تېکشیرگنلر؛ بیراق سۉنگی اوچ ییلده بو حقده هېچ قندهی سوراو اوتکزیلمهگن شونی اوچون، سلام افغانستان یېتکرمه موسسهسی (سلاموطندار رادیوسی) بو موضوعنی تېکشیریش اوچون یاشلرنینگ جندر فرقی بیلن، افغانستان مقیاسیده سوراو اوتکزگن.
تقدیقات سوراقلری
قنچهلیک یاشلر کېلهجکّه نسبتن امیدوار؟
یاشلرنینگ کېلهجکّه نسبتن امیدوار بولیش سببی نیمه؟
یاشلرنینگ کېلهجکّه نسبتن امیدسیز بولیش سببی نیمه؟
تدقیقات غایهسی
یاشلرنینگ کېلهجکّه نسبتن امیدوار بولیش رقمینی تېکشیریش؛
حیاتده امیدوار بولیش اهمیتینی انیقلش؛
یاشلرنینگ امیدوار یا-ده امیدسیز بولیش عامللرینی انیقلش؛
تدقیقات زمانی
بو تدقیقات اوچ آی ایچیده، میلادی ۲۰۲۵-ییل (۲ فبروریدن ۱۳ می) گچه اوتکزیلگن.
تدقیقات اسلوبی
تدقیقات نینگ مقداری خصوصیتیدن کېلیب چیققن حالده، معلوماتلر گوگل داکمنتدن قوللـهنیب تیارلنگن و SPSS دستوریدن فایدهلنیب و گوگل داکمنتده تحلیل و تجزیه بولیب، تحلیل و تېکشیریلگن.
تدقیقات اوزگریشلری
امیدوار بولیش، امیدسیزلیک و یاشلر.
بو تدقیقاتده، اشتراک اېتگنلرنینگ یاشی تېکشیریلگن، سوراو گه جواب قیترگنلرنینگ ۱۱.۹ فایزی ۱۵ دن ۲۰ یاشر، ۵۳.۹ فایزی ۲۱ دن ۲۵ یاشر و ۳۴.۲ فایزی هم ۳۶ دن ۳۰ یاشر بولگن.
اوشبو تقدیقاتده اشتراک اېتگنلرنینگ ۲۰.۱ فایزی سوادسیز، ۹.۶ فایزی که ۲۱ کیشی شامل بولهدی اوقووچی، ۲۹.۷ که ۸۶ کیشیدن عبارت دیر طلبه، ۴۰.۶ فایزی که ۶۴ کیشی شامل بولهدی لیسانس دیر.
اوشبو تدقیقاتده اشتراک اېتگنلرنینگ ۵۸.۸ فایزی بویداق، ۳۸.۸ فایزی اویلی و ۲.۴ فایزی هم اونشتیریلگن.
افغانستاندهگی حاضرگی شرایط گه قرهگنده، یاشلرنینگ کېلهجکّه نسبتن امیدوارلیگی ۶.۳ فایز و سوراو گه جواب قیترگنلرنینگ ۳۹.۷ فایزی که ۸۷ کیشیدن عبارت دیر، کېلهجکلری گه نسبتن امیدسیز.
جواب قیترگنلرنینگ ۶۴.۲ فایزی کېلهجکلری گه نسبتن جوده هم آز امیدوار دیر، ۲۵.۸ فایزی که ۳۴ کیشی شامل بولهدی کېلهجکلری گه امیدوار و اولر ارا جواب قیترگنلرنینگ ۱۰ فایزی که ۱۳ کیشیدن عبارت دیر کېلهجکلری گه نسبتن جوده هم آز امیدوار دیر.
یاشلرنینگ کېلهجکّه نسبتن امیدوارلیک سببی اجتماعی تینچلیک، ترقیات امکانیتی بارلیگی، یخشی اقتصاد و امنیت تأمین بولیشی دیر که جواب قیترگنلرنینگ ۳۰.۱ فایزی شامل بولهدی. سوراو گه جواب قیترگنلرنینگ ۲۵ فایزی که ۳۳ کیشی دن عبارت، امنیت تأمین بولیشینی کېلهجکّه نسبتن امیدوارلیک سببی اتهگنلر. اولر ارا ۲۷ فایزی که ۳۵ کیشی شامل بولهدی یخشی اقتصاد و ۱۷ فایزی که ۲۴ کیشینی تشکیل بیرهدی اجتماعی تینچلیک و ترقیات امکانیتی بارلیگینی امیدوارلیک سببی اتهگنلر.
سوراو گه جواب قیترگنلرنینگ ۳۴.۵ فایزی که ۳۱ کیشینی تشکیل بیرهدی حیاتلری گه نسبتن جوده آز، ۲۱.۲ فایزی که ۱۸ کیشیدن عبارت دیر حیاتلری گه نسبتن کوپ، ۲۷.۱ فایزی که ۲۳ کیشی شامل بولهدی حیاتلری گه نسبتن کوپ و ۱۵ کیشی که ۱۷.۲ فایزنی تشکیل بیرهدی، حیاتلری گه نسبتن جوده هم کوپ امیدسیز دیر.
سوراو گه جواب قیترگنلرنینگ ۳۲ فایزی که ۲۸ کیشینی تشکیل بیرهدی، امیدسیزلیک سببینی اجتماعی ثباتسیزلیک، عایلهوی قیینچیلیک، عیاللر گه یرهتیلگن چېکلاولر و ترقیات امکانیتی یوقلیگی اتهگنلر. جواب قیترگنلرنینگ ۲۸.۸ فایزی که ۲۵ کیشی شامل بولهدی عیاللر گه نسبتن یرهتیلگن چېکلاولر و ترقیات امکانیتی یوقلیگینی امیدسیزلیک سببی دیگنلر؛ عینحالده سوراو گه جواب قیترگنلرنینگ ۲۱ فایزی که ۱۸ کیشیدن عبارت دیر عایلهوی قیینچیلیکنی امیدسیزلیک عاملی اتهگنلر.
سوراو گه جواب قیترگنلرنینگ ۵۰ فایزینی تشکیل بیرگن کوپینچه یاشلر، وظیفه، تحصیل و اقتصادلری کبی موردلردن خواطر بیلدیرگن و باشقه ۲۱.۹ فایزی تحصیللری خصوصیده خواطر بیلدیرگن.
