سلام‌وطندارنینگ ۲۱۹ یاش بیلن اوتکزگن صحبتی اساسیده، بو یاشلرنینگ ۴۰ فایزی کېلهجکلریدن تشویش‌ده وباشقه ۶۰ فایزی امیدوار دیر.
بو سوراوده اشتراک اېتگن یاشلردن کېلهجکلریدن امیدوار بولیش و ناامیدلیک‌لری حقیده سوره‌لگن. ترقیات امکانیتی بارلیگی، یخشی اقتصاد و امنیت تأمین اېتیلیشی، کېله‌جکّه نسبتن یاشلرنینگ امیدوارلیک عاملی دیېلگن، ثبات‌سیزلیک، خاتین-قیزلر گه یره‌تیلگن چېکلاولر و عایله‌وی زوره‌وانلیک‌لر، یاشلرنینگ کېله‌جکّه نسبتن ناامید بولیش عاملی دیېلگن.
سوراو گه قتنشگن یاشلردن ۵۰ فایزی، وظیفه‌لری، ایش و اقتصادلری‌نینگ کېله‌جگی و ۲۱.۹ فایزی هم یالغیز اوقیش‌لری‌نینگ کېله‌جگیدن تشویش بیلدیرگن.
دایکندی یشاوچیسی ۲۲ یاشر حسنا، اوقیش‌دن محروم قالگن ایتیشیچه، اوقیش تقدیری نامعلوم‌لیگی اونی تشویشی گه سبب بولگن. اونینگ کوپه‌یتیریشیچه: «اوقیش گه دوام بیره آلمه‌دیم؛ افغانستان احوالی گه قره‌گنده نه اوقیش نه وظیفه یخشی، اقتصاد هم یامانلیگی برچه گه بیللی دیر.»
بیزلرنینگ فیسبوک صحیفه‌میزگه باش اورینگ!
کابل‌لیک میلاد، تورت ییل‌دن بیری آنلاین طرزده ایشلب کېلماقده ایتیشیچه، درآمدی کمه‌یب و ایش کېله‌جگیدن تشویش‌ده دیر. اونگه کوره: «آنلاین سودا آلیش اوچون یشاوچیلرنینگ پولی یوق؛ اوی مصرفی و اجاره‌سینی تولدیره آلمه‌‌ی من؛ ساتیب آلگن بوتون توارلریم حاضرگچه ساتیلگنی یوق و نقصان قیلگن من.»
پروان یشاوچیسی ۳۰ یاشر احمدزکی گه کوره: «بیکارلیک کوپه‌یگن؛ ایشی‌میز یوق؛ قۉشنی مملکتلر گه بارگن حالده، او ییرده هم ایش یوق و هېچ کیم رخصت بیرمه‌یدی؛ کوپینچه یاشلر قیینچلیک بیلن دوچ دیر.»
برچه‌سی بیلن، سرپرست حکومت امر معروف و نهی منکر وزیرلیگی سۉزلاوچیسی سیف‌الاسلام خیبرنینگ ایتیشیچه، یاشلر گه انگیزه بیریش اوچون تورلی ریجه‌لرنی نظر گه آلگنلر. اونینگ کوپه‌یتیریشیچه: «امرمعروف و نهی منکر وزیرلیگی انگیزه بیریش و چقیریش برنامه‌لرنی نظر گه آلگن؛ محتسب‌لر و عالملر یاشلر بیلن ییغیلیش اوتکزیب و بو ییغیلیش‌لرده یاشلر گه انگیزه بیریله‌دی.»
بیزلرنینگ «ایکس» ترماغی ده هم تعقیب قیلینگ!
اجتماعی ایش بیلرمان احمدراشد صدیقی گه کوره، یاشلرنینگ کېله‌جکّه نسبتن ناامیدلیگی اولرنینگ مهاجر بولیشی و بنگی‌وار ماده‌لر گه چلینیش‌لری گه سبب بولیشی ممکن. اونینگ ایتیشیچه: «ایش و اوقیش امکانیتی بولمسه، یاشلر بو امید گه بولمه‌سینلر که بیر بولیم‌ده تخصص آلیب و خذمت قیلسه‌لر یا-ده کتّه ایش فرصتی یره‌تیلسه، بیلمسدن ناامید بولیب و باشقه اولکه‌لر گه مهاجر بوله‌دیلر.»
جمهوریت توزومی قوله‌شیدن کېین، یاشلر اوچون ایش فرصت‌لری کمه‌یگن بیرحالده، اوشبو سوراو گه قتنشگن یاشلر کېلهجکلریدن تشویش بیلدیرماقده.
