سلام‌وطندار نینگ ایش جوازی آلیش ایسته‌گن ۳۰ عیال بیلن اوتکزگن صحبت‌لری اساسیده، اولر بیر قطار بولیم‌لرده ایش جوازی آلالمه‌یدیلر.
قولگه کیلگن معلومات‌لر اساسیده، ساغلیق، تعلیم، خذمت‌لر، ایکینچیلیک، صناعت و سوداگرلیک و میدیالر بولیم‌لری، عیاللر نینگ ایشلشی گه رخصت بیریلگن یگانه بولیم‌لر دیر؛ بیراق بو بولیم‌لرده عیال‌لردن کوپینچه‌سی نینگ ایش جوازی یوق.
سرپرست حکومت دایم قول صناعت و سوداگرلیک بولیم‌لری نی عیاللر اوچون، ایشلشی ممکن بولگن یگانه بولیم‌لر دیب بیله‌دی؛ بیراق اوشبو گزارش‌ده صحبت اوتکزیلگن عیال‌لردن تورت ته‌سی نینگ سلام‌وطندار گه ایتیشیچه، ولایت‌لرده عیاللر صناعت یا-ده سوداگرلیک جوازی نی آلالمه‌یدیلر. اولر گه کوره، یالغیز پایتخت‌ده سوداگر عیاللر گه سوداگرلیک جوازی بیریله‌دی.
بامیان یشاوچیسی عزیزه رسولی نینگ ایتیشیچه: «قیته جواز آلیش ایسته‌دیم، حاضر سوداگرلیک اتاقی جوازی یوق که قیته آلسم و عدلیه‌دن جواز آلیشیم کیره‌ک. او هم جوده قیمت بوله‌دی.»
بیزلرنینگ فیسبوک صحیفه‌میزگه باش اورینگ!
شونینگدیک پروان یشاوچیسی شیبا، سرپرست حکومت‌دن عیاللر گه جواز صادر بولیش زمینه‌سیده‌گی موجود قیینچیلیکلر نینگ اورته‌دن کیتزیلیشی و بو توغریده اولر گه آسایشته‌لیک‌لر یره‌تیلیشی نی ایسته‌گن. اونینگ ایتیشیچه: «اسلام امیرلیگی حکومتی‌دن عیاللر گه جواز آلیش پروسه‌سی نینگ آسان بولیشی و چیکلاولر نینگ حل بولیشی نی ایسته‌یمیز. دولت تامانیدن رخصت بیریلیب و زمینه یره‌تیلمه‌گنی صورت‌ده، ایش‌لریمیز نی درست و راحت شکلده انجام بیره آلمه‌یمیز.»
باشقه بیر تامان‌دن، اوشبو گزارش‌ده صحبت قیلینگن ۱۰ سوداگر عیال نینگ ایتیشیچه، تعلیم، خذمت‌لر و ایکینچیلیک زمینه‌سی‌ده ایش جوازی نی آلیش اوچون سعی و حرکت قیلگنلر؛ بیراق تورلی بهانه‌لر بیلن اولر گه ایش جوازی بیریلمه‌گن.
قندوز ده تعلیمی بیر مرکز ایجاد قیلیش اوچون جواز ایسته‌گن اوشبو ولایت یشاوچیسی پریسا شریفی نینگ سلام‌وطندار گه ایتیشیچه: «بیر قطار عیاللر نینگ توپلب و اولر گه درس بیریش اوچون، تعلیمی بیر مرکزی ایجاد قیلیش گه قرار آلگن ایدیک و فعالیت جوازی نی آلیش اوچون همکارلریم‌دن بیری بیلن معارف ریاستی گه کیتدیک، بیراق قیغو بیلن حتا ریاست گه کیریش اوچون رخصت بیریلمه‌دی.»
شونده‌ی بیرحالده، مدنی نهاد‌لر، ویزا و کیم‌لیک خذمت‌لر شرکت‌لری، ایکینچیلیک و فن‌آوری شرکت‌لر ایجادی کبی عمومی خذمت‌لر خصوصیده، جواز آلیش ایسته‌گن و اوشبو گزارش‌ده صحبت قیلینگن باشقه اوچ عیال نینگ ایتیشلریچه، جواز آلیش طلبی نی بیرگنلر؛ بیراق مسئوللر تامانیدن رد بولگن. عیال‌لرن بیری ثریا جاوید نینگ ایتیشیچه: «قیغو بیلن عدلیه وزیرلیگی رد جواب بیریب و عیاللر اسمی آستیده بولگن و مدنی نهاد‌لرده ثبت بولگن جوازلر، قیته تمدید بولمه‌ید و معطل دیر.»
سلام‌وطندار نینگ قولگه کیلتیرگن معلوماتی اساسیده، اوشبو گزارش‌ده میدیا نهاد‌لردن بیری نینگ مسئولی کیم‌لیگی سِر قالیش نی ایسته‌ب ایتیشیچه، جمهوریت توزومی نینگ قولشی‌دن کیین، یالغیز ایکی عیال گه میدیا فعالیتی جوازی بیریلگن.
شونینگدیک مذکور گزارش‌ده، فعالیت جوازی نی قولگه کیلتیریش و میدیا نهاد‌لری ایجاد قیلیش ایسته‌گن اوچ خبرچی عیال نینگ ایتیشلریچه، معلومات و مدنیت وزیرلیگی‌دن جواز آلیش گه موفق بولمه‌گنلر.
افغانستان ایرکین میدیالریدن حمایت قیلووچی نهاد (نی) مسئوللری نینگ ایتیشلریچه، عیاللر گه میدیا فعالیتی جوازی صادر بولمه‌سلیگی خصوصیده، کوپینچه شکایتلر نی قولگه کیلتیرگنلر.
نی نهادی مسئولی ظریف کریمی نینگ ایتیشیچه: «قیغو بیلن بیلدیک که عیال‌لردن بیر قطاری میدیا نهاد‌لری نینگ ایجاد قیلیش ایسته‌گن ایکنلر که، معلومات و مدنیت وزیرلیگی نشرتی جوازلری نی تعویق حالتی گه کیلتیریب و اولر گه فعالیت خصوصیده رخصت بیرمه‌گن.»
باشقه بیر تامان‌دن، عیال حقوقی فعال‌لریدن قطاری نینگ ایتیشلریچه، عیاللر برابریده چیکلاولر دوامی بیلن، کون‌دن-کونگه قیین‌چیلیکلری نینگ کوپه‌یه‌دی.
عیال حقوقی فعالی لطیفه انوری نینگ ایتیشیچه: «افغانستان ده قیغو بیلن هیچ بیر عنوان و هیچ بیر صورت‌ده عیاللر گه ایش جوازی بیریلمه‌یدی. حاضرگی حکومت‌ده ایشله‌یدیگن، گوزه‌لیک سالون‌لریده ایشله‌یدیگن سوداگر عیال‌لردن برچه‌سی ایش‌سیز بولگنلر. عیاللر هر لحاظ‌دن یامان وضعیت‌ده قرار تاپگنلر.»
شونینگدیک عیال حقوقی فعال‌لریدن باشقه بیری زینب رضایی نینگ ایتیشیچه، اوتگن ایکی ییل‌ده، عیاللر گه هیچ ایش قیلیش گه رخصت بیریلمه‌گن. «افغانستان گه کیلگنلریدن بیری، عیاللر گه فعالیت خصوصیده رخصت بیریلمه‌گن و شونینگدیک عیاللر گه انجو و مؤسسه‌لر و حتا هیداوچیلیک جوازی بیریلمه‌یدی؛ بو افغانستان ده کون اوتیشی بیلن کوپه‌یه‌دیگن قیینچیلیکلر و خواطرلنتیرووچی موضوع دیر.»
بولر گه علاوه، صناعت و سوداگرلیک و «افغانتور» دولتی شرکت مسئوللری نینگ سلام‌وطندار گه ایتیشلریچه، مملکت بویلب عیاللر، هیچ بیر قیین‌چیلیک بولمه‌سدن هر بیر بولیم‌ده ایش جوازی نی آلیشلری ممکن.
بو توغریده سوداگرلیک و صناعت وزیرلیگی سوزلاوچیسی عبدالسلام جواد آخوندزاده نینگ ایتیشیچه: «اوزگریش کیلگنی و اسلام امیرلیگی نینگ کابل گه کیلگنی‌دن بیری، سوداگر عیاللر گه ۱۲۰۰ جواز ترقه‌تگن‌میز و خوش‌بختانه بو پروسه نینگ دوامی بار. شونینگدیک ۸۰۰۰ دن آرتیق عیال نینگ افغانستان ده فعالیت جوازی بار.»
بیزلرنینگ «ایکس» ترماغی ده هم تعقیب قیلینگ!
افغانتور دولتی شرکتی نینگ عملیاتی اورین‌باسری عبدالغفور امانت نینگ ایشانچ بیریشیچه، عیاللر هیچ بیر قیین‌چیلیک بولمه‌سدن ایش جوازی نی آلیشلری ممکن. اونینگ کوپه‌یتیریشیچه: «عیاللر ایرکین بیر شکلده، سیاحتچیلیک شرکت‌لر جوازی نی بیر قیین‌چیلیک بولمه‌سدن آلیشلری ممکن. افغانتور اداره‌سی‌ده سیاحتچیلیک شرکت‌لر جوازی نی آلیش خصوصیده، عیاللر اوچون هیچ قنده‌ی توسیق‌لیک یوق.»
بو توغریده معارف وزیرلیگی، معلومات و مدنیت وزیرلیگی و ایکینچیلیک، سووغاریش و چاروه‌چیلیک وزیرلیگی مسئوللری نینگ فکری نی آلیش ایسته‌دیک؛ بیراق موفق بولمه‌دیک.
بولر گه علاوه، اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه، عیاللر ایشی برابریده‌گی چیکلاولر نینگ حل قیلیتیشی و اولر گه آسایشته‌لیک ایجاد بولینیشی خصوصیده سعی و حرکت‌لر نینگ دوامی بار. اونینگ کوپه‌یتیریشیچه: «ایش گه کیته آلمه‌‌گنلری بیر قطار بولیم‌لرده، سینگیل‌لریمیز نینگ باریب-کیلیشی و دفترلر گه باریشی خصوصیده درست ایش زمینه‌سی یره‌تیلیشی و آسایشته‌لیک‌لر ایجاد بولینیشی اوچون سعی و حرکت نینگ دوامی بار.»
سرپرست حکومت نینگ قدرت گه کیلیشی بیلن، بیر قطار عیال، بعضی زمینه‌لر و شونینگدیک تورلی بولیم‌لرده ایش‌دن اوزاق قالیب و بیر قطار مورد‌لرده ایسه عیاللر گه نابیللی سبب‌لر اوچون ایش جوازی و فعالیتی بیریلمه‌یدی.
