ننگرهارده «دوست» محلی رادیو مسئولی سهار سیرت عایله اعضالری نینگ ایتیش‌لریچه، او اوتگن هفته کابلده یوقالیب و بیر هفته اوتیشی بیلن حاضرگچه اوندن هیچ بیر خبر یوق. جناب سیرت نینگ ایناغه‌سی محمد‌صابر نینگ سلام‌وطندارگه ایتیشیچه، ایناغه‌سی اوتگن هفته پنجشنبه کونی کابل شهری نینگ «کارته‌نو» منطقه‌سیده یوقالگن.
اونینگ کوپه‌یتیریشیچه، حاضرگچه ایناغه‌سی نینگ نیمه اوچون و کیم یا_ده کیم‌لر تامانیدن یوقالگنی بیللی بولمه‌گن. محمد صابر نینگ ایتیشیچه: «ایناغم اوتگن هفته پنجشنبه کونی ساعت ۳:۳۰ دقیقه کارته نو منطقه‌سیدن یوقالگن، بیراق اونینگ نیمه اوچون و کیم تامانیدن یوقالگنی بیللی ایمس. بیر ایکی مرته پیام آرقلی بیزلرگه خبر بیریب و یخشی‌من دیدی؛ لیکن باشقه معلومات قولگه یوق.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مملکت شرق حوزه‌سیده خبرچیلر مصونیت کمیته مسئوللری نینگ سلام‌وطندارگه ایتیش‌لریچه، اولر موضوع‌دن خبرلری بار و شونینگدیگ بو موضوع نی حکومتی مسئوللر بیلن شریک قیلگن‌لر؛ بیراق قضیه حاضرگچه بیللی بولمه‌گن.
محمد‌یوسف ظریفی نینگ کوپه‌یتیریشیچه: «بیزلر بو موضوع نی قطار نهادلر بیلن جریان گه قویگن‌میز، لیکن حاضرگچه کیم تامانیدن قولگه آلینگنی خصوصیده، بیزلرگه جواب بیریلمه‌گن. شونینگدیک بیز عایله‌سی بیلن صحبت قیلدیک، لیکن اولر بوتوغریده دقیق معلومات‌لری یوق. مذکور کیشی بوندن آلدین تهدید هم بولمه‌گن ایکن.»
بوتوغریده اسلامی امارت مسئوللری نینگ فکری نی آلیش اوچون سعی و حرکت قیلدیک؛ بیراق کیین‌مه کیین قونقیراغ بیلن موفق بولمه‌دیک.
بیزلرنینگ توییترده هم تعقیب قیلینگ!
ایتیش کیره‌ک که سونگی کونلرده خبرچیلر و رسانه‌لر ایشلاوچیلری گه قرشی قیین‌چیلیکلر کوپه‌یگن. ینگی بیر مورد‌ده، نیچه کون آلدین (دوشنبه، ۲۰_ جدی) سلام افغانستان رسانه‌یی موسسه (سلام‌وطندار رادیویی ترماغی) اورین باسری ایشدن اوی تامان کیته‌دیگن بیر چاغده، یولده ناتلنیش قوراللی کیشیلر نینگ هجومی گه دوچ کیلیب و باش تامانیدن یره‌لنگن.
