پولند پایتختی ورشو‌ده افغانستان ایلچی‌خانه‌سی نینگ اعلام قیلیشیچه، اوکراین گه روسیه هجومی باشلنگنیدن بویان، ۲۰۰۰ افغانستان یشاوچیسی اوکراین‌دن پولند گه باش پناه ایلتگن‌لر.
ورشو‌ده افغانستان ایلچیسی طاهر قادری، اوتگن کون (چهارشنبه، ۱۱-حوت) پولند تشقی ایشلر وزیرلیگی مسئوللری بیلن اوتکزگن اوچره‌شووده، اولردن اوکراین‌ده بند قالگن افغانستان یشاوچیلری گه یاردم بیریشلری اوچون خورسند‌لیک بیلدیرگن.
بیزلرنینگ فیسبوک صحیفه‌میزگه باش اورینگ!
شونینگدیک ورشو‌ده افغانستان ایلچیسی بیر نامه آرقه‌لی پولند اهالی‌سیدن، مذکور مملکت نینگ افغانستان اهالی‌سی بیلن قیلگن یاردم‌لری خصوصیده خورسند‌لیک بیلدیرگن.
اوکراین گه روسیه هجومی دوامیده، مذکور مملکت یشاوچیلریدن یوزلرچه‌سی و تشقی یشاوچیلر اوکراین نینگ قوشنی مملکت‌لری اینیقسه پولند گه قاچگنلر. بیرلشگن ملتلر تشکیلاتی نینگ معلوماتی اساسیده، اوکراین اوروشی باعث، اوشبو مملکت‌دن ۱ میلیون کیشی قاچگن. تشقی مملکت‌لردن قطاری، اوکراین‌دن اوز یشاوچیلری نینگ انتقال بیریش اوچون اقدام قیلگن.
بیزلرنینگ توییترده هم تعقیب قیلینگ!
بوندن آلدین، اسلامی امارت تشقی ایشلر ویزلیگی اوکراین‌ده‌گی افغانستان یشاوچیلری و طلبه‌لری نینگ امنیتی حقیده خواطر بیلدیریب و اولر نینگ امنیتی و تینچ بیر ییر گه انتقال بیریش اوچون بوتون امکانیت‌دن قوللنیش نی ایتگن ایدی. بیرا اوکراین‌ده بولگن افغان‌لر حقیده انیق معلومات موجود ایمس.
