اوکراین عملدارلری، روسیه حربی کوچلری اوشبو مملکتنینگ اودسا شهریده ایکی بندرنی نشانگه آلگنیدن خبر بیردیلر.
یېتکرمهلرنینگ معلوماتیگه کوره، روسیه حربی کوچلری، ۲۱-قوس/۱۲-دیسمبر، جمعه کونی اوکراینده قاره دینگیز ساحلیده اودسا شهرینینگ جنوبغربی حدودلریگه قرهشلی «چورنومورسک» «اودسا» بندرلرینی نشانگه آلگن.
معلوماتلر اساسیده، روسیهنینگ اوشبو هجوملریده تورکیه گه عاید اوچ کیمه جملهدن بو مملکتنینگ آزیق-آوقت یوکلهگن کیمهسیگه ضرر یېتگن.
تورکیه تشقی ایشلر وزیرلیگی هم قاره دینگیزده کیمهلری روسیه تامانیدن نشانگه آلینگنینی تصدیقلب، بو هجوم دینگیز خوفسیزلیگی و کیمهلر ایرکین قتناویگه تأثیر کورسهتیشی ممکنلیگینی معلوم قیلدی.
اوشبو واقعهدن سۉنگ اوکراین جمهور باشلیغی ولودیمیر زلنسکی، روسیه اوشبو هجومیده هېچ قندهی حربی مرکز یا کی قوریلمه نشانگه آلینمهگنینی ادعا قیلگن.
قاره دینگیزده اوکرایننینگ اودسا شهریدهگی اوچ ییریک بندر، بو مملکت اوچون مهم اقتصادی بندرلردن حسابلنهدی.
روسیه بوندن آلدین، اوکرایننینگ دینگیزدن فایدهلنیشیگه توسیق بولیشی حقیده آگاهلنتیرگن بیرحالده، بو هجوم اویوشتیریلگن.
