روسیه تاس آژانسی نینگ گزارشی اساسیده، اوشبو مملکت تشقی ایشلر وزیری سرگئی لاوروف، دنیا جماعه‌چیلیگی افغانستان اسلامی امارت بیلن فعال همکارلیک قیلیب و بو حکومت‌نی رسمیت گه تانیش اوچون اقدام قیلیش‌لرینی ایتگن.
تاس آژانسی نینگ گزارشی اساسیده، دنیا جماعه‌چیلیگی «افغانستان ینگی حکومتی» بیلن فعال همکارلیک قیلیش اوچون مسکو نینگ ایشانچی کامل ایکن‌لیگی بیلدیرگن روسیه تشقی ایشلر وزیری، شونینگدیک سرگئی لاوروف نینگ تأکیدلشیچه، افغانستان حکومتی نینگ همه شمول‌لیگی کلیدی بیر عنصر دیر.
بیزلرنینگ فیسبوک صحیفه‌میزگه باش اورینگ!
روسیه تامانیدن اسلامی امارت نینگ دیپلومات‌لری قبول قیلینیشی
شو بیلن بیرگه، مملکت تشقی ایشلر وزیرلیگی نینگ ایتیشیچه، روسیه مسکوده افغانستان نینگ ایلچیخانه‌سیده اسلامی امارت نینگ دیپلومات‌لری حضوری‌نی قبول قیلگن.
اسلامی امارت تشقی ایشلر وزیرلیگی نینگ سرپرستی امیرخان متقی، سرگئی لاوروف بیلن اوتکزگن ملاقاتیده، روسیه نینگ اوشبو قرارینی خوش قرشی‌لب، مسکوده افغانستان ایلچیخانه‌سی بوتونلی فعال بولیشی گه امید بیلدیرگن.
بیزلرنینگ توییترده هم تعقیب قیلینگ!
اسلامی امارت تشقی ایشلر وزیرلیگی لاوروف‌دن نقل قیلیب یازیشیچه، دنیا جماعه‌چیلیگی افغانستان بویلب فعال رولی بولیب و بو حکومت نینگ رسمیت گه تانیلیش مسئله‌سی تیزلیک بیلن حل ایتیلیشی مقصدیده، اسلامی امارت حکومتی بیلن همکارلیک قیلیشی کیره‌ک.
بوندن آلدین روسیه رسمی‌لری، اسلامی امارت نینگ رسمیت گه تانیش اوچون شاشیلمسلیکلرینی ایتگن ایدیلر. بو عین‌حالده، افغانستانده اسلامی امارت قدرت‌نی قولگه آلیشیدن سکیز آی اوتسه‌ده، لیکن اولرنی هیچ بیر مملکت رسمی شکلده رسمیت گه تانیمه‌گن.
