روسیه جمهورلیک ریاستی سرایی (کرملین)، اوشبو مملکت کوچلری آرقهلی اوکرایننینگ کمیده ۵ مینگ عسکری قمراوگه آلینگنینی معلوم قیلگن.
خلقارا ییتکرمهلرنینگ بوگون (۱-قوس، شنبه)، گزارش بیریشیچه، اوکرایننینگ اوشبو عسکرلری مذکور مملکت خارکیف شرقیده جایلشگن منطقهده قمراوگه آلیگنلر.
باشقه بیرتاماندن، روسیه مدافعه وزیرلیگینینگ معلوم قیلیشیچه، اوکراین شرقیده جایلشگن دونتسک منطقهسیدهگی «یامپیل»، «استاوکی»، «نووسلیوکا» و «ماسلیاکیوکا» یشش جایلری و دنیپروپتروفسک منطقهسیدهگی «رادیسنه» قیشلاغینی باسیب آلگن.
بو وزیرلیکنینگ کوپهیتیریشیچه، اوتگن کیچه اوکراین تامانیدن آتیلگن ۳۳ پهپادنی، روسیهنینگ بیش حدودیده انیقلب و یوق قیلگن.
اوکراین، حاضرگچه روسیهنینگ اوشبو بیاناتی حقیده هیچ بیر نرسه دیمهگن.
روسیه و اوکراین آرهسیده اوروش باشلنگنیدن تورت ییل بولیب و بو مدتده، آتیش کیسین برقرار بولیشی و اوروش توختهتیلیشی اوچون بولگن سعیوحرکتلر نتیجه بیرمهگن.
