سۉنگی ایکّی کون ایچیده چین؛ منطقه و دنیا ده‌گی اېریم مسئله‌لرنی بحث گه آلیش و روسیه همده چین مناسبت‌لری حقیده مذاکره قیلیش اوچون بو مملکت گه سفر قیلگن روسیه جمهور باشلیغی ولادیمیر پوتین نینگ میزبانی اېدی.
پوتین نینگ چین گه سفری دن سۉنگ روسیه جمهورلیک ریاستی سرای (کرملین) تامانیدن ترقه‌لگن بیانیه ده، دنیا ده‌گی قدرتلی بو ایکّی دولت نینگ لیدرلری افغانستان وضعیتی حقیده هم بحث اېتگنلری قید اېتیلگن.
اوشبو بیانیه ده کېلیشیچه، امریکا و ناتو افغانستان ده ۲۰ ییل‌لیک حضورلری ده بو مملکت ده اقتصادی و اجتماعی قیینچیلیکّه سبب بولگن و امریکا دن افغانستان ده حربی پایگاه قورمسلیگی سۉره‌لگن.
بیزلرنینگ فیسبوک صحیفه‌میزگه باش اورینگ!
مذکور بیانیه نینگ بیر بولیمیده کېلیشیچه: «امریکا و ناتو افغانستان نینگ ۲۰ ییل باسیب آلیش گه مسئول دیر، شونی اوچون افغانستان ده ېنه حربی پایگاه قوریش نیتیده بولمه‌سینلر. اولر افغانستان ده حاضرگی اجتماعی و اقتصادی قیینچیلیک مسئولی دیر، تن آلیش‌لری کېره‌ک.»
دنیا قدرت‌لری هردایم افغانستان گه دایر قرشی فکر-ملاحظه بیلدیرگن بیرحالده، روسیه و چین لیدرلری بونده‌ی بیانات بیرگنلر.
شو مناسبت بیلن ایش بیلرمان‌لر نینگ ایشانچی گه کوره، دنیا ده‌گی قدرت‌لر بیر-بیری بیلن رقابتی بولگنی باعث افغانستان خصوصیده بونده‌ی بیانات بیره‌دیلر.
بیزلرنینگ «ایکس» ترماغی ده هم تعقیب قیلینگ!
ملت واحد افغانستان همبسته‌لیک آقیم رهبری محمد زلمی افغان‌یار پول نینگ سلام‌وطندار گه ایتیشیچه: «چین و روسیه بیرلشگن ملتلر تشکیلاتی خوفسیزلیک کینگشی ده وتو قیلیش صلاحیتی گه اېگه مملکتلردن سنله‌دی، بو مملکت‌لر هېچ وقت افغانستان کبی مملکت‌لر نینگ بحرانینی باشقریش اوچون ریجه‌لری بولمه‌ی و بحرانلی قیلگنلر.»
شو بیلن بیرگه، ایش بیلرمان‌لردن باشقه بیرقطاری گه کوره، حاضرگی کونده افغانستان ایشلری گه مملکت‌لر نینگ حربی اره‌لشمسلیگی اوچون حاکم حکومت ایچکی قیینچیلیک‌لرنی حل و مملکت ده سیاسی ثبات نی تأمین اېتیش اوچون سعی-حرکت قیلیشی کېره‌ک.
خوفسیزلیک و سیاسی ایش‌لر بوییچه بیلرمان عزیز استانکزی گه کوره: «بیرینچیدن ایچکی مسئله‌لرنی حل اېتیش‌لری کېره‌ک، اهالی اېسته‌گینی انابت گه آلمه‌گن دولت‌لر قیینچیلیک بیلن دوچ بولگن و قیینچیلیک‌لر حلی اوچون اهالی اېسته‌گی انابت گه آلینیب و اولر قانونی و شرعی حق‌لریدن محروم اېتیلمسلیگی لازم.»
بوندن آلدین، امریکا نینگ سابق جمهور باشلیغی و اوشبو مملکت جمهورلیک ریاستی سیلاوی گه نامزد دونالد ترامپ، قویاش اۉتگن ییل ۲۷ عقرب ده سیلاو کمپاین‌لریدن بیری ده، سیلاو گه غلبه قازانگن تقدیرده اسلام امیرلیگی همکارلیگی بیلن بگرام حربی پایگاه‌سی نینگ کنترولینی قولگه آلیشینی اېتگن اېدی.