روسیه نینگ اسلام امیرلیگی بیلن دیپلماتیک علاقهسی بولگنی بیرحالده؛ لیکن اوتگن اوچ ییلده منطقه اوچون افغانستان توپراغی نینگ تهدید بولگنیدن دایم خواطر بیلدیرگن.
ینگیلیکده روسیه نینگ خوفسیزلیک کینگشی کاتبی سرگئی شویگو، قزاقستان ده یولگه قوییلگن بیر ییغینده ادعا قیلیشیچه، ترورچی گروهلر افغانستان ده اردوگاه قوریب و بو یول آرقهلی اورته آسیا مملکتلر امنیتی نی خطر بیلن روپهره قیلگن.
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، روسیه ینگیلیکده اسلام امیرلیگی آتی نی مذکور مملکت ترورچیلیک گروهلری رویخطیدن چیقریلیشی اوچون سعیوحرکتلردن خبر بیریب و شونینگدیک شانگهای همکارلیک تشکیلاتیده افغانستان نینگ عضویتیدن حمایت قیلگن.
بو یاندهشوو روسیه خواطرلری بیلن، افغانستان توغریسیده اوشبو مملکت سیاستی نینگ قندهیلیگیدن بیر قطار خواطرلر گه هم سبب بولگن.
بو توغریده همبستگی ملت واحد افغانستان آقیم باشلیغی محمدزلمی افغانیار پوپل نینگ سلاموطندار گه ایتیشیچه: «افغانستان بیلن روسیه علاقهسی حاضرگی شرایطده ایکی قرهش دیر، بیر تاماندن تعامل اساسیده صحبتلر بولهدی و باشقه طرفدن اوشبو مملکت یوقاری مرتبهلی اعضالر اوندهی موضوعلر نی بیان قیلهدیلر که اونده ناتینچلیک بحث بولهدی.»
مذکور بیلرمان روسیه آرقهلی بیان بولگن خواطرلر نینگ دقیق شکلده تیکشیریلیشی نیاز بولگنی گه تاکیدلب ایتیشلریچه، افغانستان توغریسیده بو یاندهشوو نینگ دوام قیلگنی، افغانستان زیانی گه بولیب و افغانستان مسئلهسیده مملکتلر رقابتی گه سبب بولیشی ممکن.
بو توغریده سیاسی و امنیتی مسئلهلر بیلرمانلریدن یوسف امینزازی نینگ ایتیشیچه: «بیر تاماندن تعامل ایستهیدیلر و بیر تاماندن عیبلهیدیلر. بو نیمه اوچون دیر؟ بو ییرده حقیقتا تروریزم بولگنیده، خوفسیزلیک کینگشی و مملکتلر بو توغریده قرار آلیشلری و افغانستان اهالیسی گه سندلر نی ارائه قیلیشلری کیرهک.»
بیزلرنینگ فیسبوک صحیفهمیزگه باش اورینگ!
شونینگدیک بو توغریده سیاسی و امنیتی مسئلهلر بیلرمانلریدن باشقه بیری صادق شینواری نینگ ایتیشیچه: «اسلام امیرلیگی منطقه مملکتلر خواطرلری گه تیگیشلی افغانستان توپراغیدن احتماعی خطرلر خصوصیده سندلر و حجت ارائه قیلیشلری کیرهک.»
شوندهی بیرحالده، حاضر روسیه اسلام امیرلیگی ایش و اجتماعی ایشلر، عالی اوقوو و معارف وزیرلر سرپرستی میزبانی دیر که بیرلشگن ملتلر تشکیلاتی خوفسیزلیک کینگشی اولر نینگ سفری گه چیکلاو وضع قیلگن ایدی.
