افغانستان سرپرست حکومتی اوچ ییل‌دن بویان سیاسی تنزل بیلن روپه‌ره بولگنی بیرحالده؛ افغانستان ده اروپا اتفاقی ایلچیخانه‌سی شارژدافیری رونیکا بوسویک پوهار، اسلام امیرلیگی و اروپا اتفاقی آره‌سیده‌گی مناسبتلر گه تاکید قیلگن.
اسلام امیرلیگی نینگ ایتیشیچه، مذکور اروپالیک دیپلمات اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچره‌شگنی‌ده، ایکی تامانلمه مناسبتلر گه تاکید قیلیش گه علاوه، تورلی بولیم‌لرده افغانستان بیلن یاردم‌لر نینگ دوامی‌دن ایشانچ بیلدیرگن.
بیزلرنینگ «ایکس» ترماغی ده هم تعقیب قیلینگ!
بو توغریده اسلام امیرلیگی سوزلاوچیسی اورین‌باسری حمد‌الله فطرت نینگ ایتیشیچه: «افغانستان ده اروپا اتفاقی ایلچیخانه‌سی شارژدافیری، اسلام امیرلیگی و اروپا اتفاقی مناسبتلری گه تاکید قیلیب و اروپا اتفاقی نیاز بولگن ساحه‌لرده فایده‌لی شکلده اوز فعالیت‌لری نینگ انجام بیریشی خصوصیده‌گی سعی‌وحرکتلری نی بیان قیلدی.»
مذکور اوچره‌شووده اسلام امیرلیگی باش‌وزیری نینگ سیاسی اورین باسری نینگ ایشانچ بیریشیچه، افغانستان توغریسیدن مملکتلر نینگ خوفسیزلیک خواطرلری حل بولگن.
عین حالده، ایش بیلرمانلردن قطاری نینگ ایشانچی گه کوره، مملکتلر نماینده‌لری بیلن هر‌قنده‌ی اوچره‌شوو و ییغیلیش‌لر فایده‌لی بولیب و افغانستان نینگ حاضرگی سیاسی قیین‌چیلیک‌دن چیقیشی‌گه زمینه یره‌تیشی ممکن.
بو توغریده سیاسی مسئله‌لر بیلرمانی عزیز استانکزی نینگ ایتیشیچه: «بو کبی صحبت‌لر کیله‌جگ‌ده مملکتلر اینیقسه اروپا اتفاقی بیلن کیینگی تعامللر و افغانستان اوچون انسان‌پرورلیک یاردم‌لر خصوصیده کوپ فایده‌لی بولیشی ممکن و شونینگدیک کوپینچه مناسبتلر گه یول آچه‌دی.»
باشقه بیر تاماندن، ایش بیلرمانلردن قطاری دنیا مملکت‌لری اینیقسه اروپا اتفاقی و غربی مملکت‌لرنی افغانستان بیلن «ایکی‌خیل یانده‌شوو »گه عیب‌لب و ایتیشلریچه، افغانستان گه نسبت بو مملکتلر نینگ انیق بیر اورین بیلن سیاستی بولمه‌گنی، افغانستان ده سیاسی بحران نینگ دوام قیلیشی گه سبب بولگن.
بیزلرنینگ فیسبوک صحیفه‌میزگه باش اورینگ!
خلق‌ارا رابطه‌لر بیلرمانی ولی فروزان نینگ بو توغریده ایتیشیچه: «مذکور مملکتلر بیر تاماندن افغانستان نی تحریم قیلگنلر و باشقه بیر تاماندن ایسه یاردم بیره‌دیلر یا-ده ریچاد بنت کبی کیشی‌لر اوز گزارشلریده اسلام امیرلیگی یانده‌شوولرینی قاره‌له‌یدی و باشقه بیر تاماندن ایسه تعامل برقرار ایتیلیشی گه تاکید قیله‌دیلر.»
اروپا اتفاقی اوتگن اوچ ییل‌ده اسلام امیرلیگی نی رسمیت گه تانیمه‌گنی بیرحالده، افغانستان ده ایلچیخانه‌سینی فعال قوییب و شونینگدیک انسان‌پرورلیک یاردم‌لری گه هم دوام بیرگن.