اسلام امیرلیگی، افغانستان قوشنی دولت‌لری تشقی ایشلر وزیرلری نینگ ایکی کون‌لیک ییغیلیش‌لری یکونیده، افغانستان ده همه شمول حکومت شکللنیشی و منطقه اولکه‌لری نینگ امنیتی خواطرلری گه یکون بیریش اوچون صادر بولگن قوشمه بیانیه گه مناسبت بیلدیریب ایتیشیچه، افغانستان نینگ حاضرگی حکومتی همه شمول و یشاوچیلر تامانیدن قوللب_قوتلنماقده دیر.
اسلام امیرلیگی سوزلاوچیسی نینگ اورین باسرلریدن بلال کریمی گه کوره، حکومت نینگ قنده‌ی‌لیگی خصوصیده‌گی موضوع، ایچکی بیر موضوع دیر و شونینگدیک، افغانستان منطقه مملکت‌لر نینگ خوفسیزلیگی اوچون تهدید ایمس.
بیزلرنینگ فیسبوک صحیفه‌میزگه باش اورینگ!
بلال کریمی نینگ ایتیشیچه: «مملکت‌ده تشکیل بولگن توزوم، مملکت نینگ برچه قوم‌لر و ولایت‌لریدن تشکیل بولگن و اهالی نینگ مکمل حمایتی گه ایگه دیر؛ بو افغانستان اهالی‌سی نینگ ایچکی موضوع‌لری دیر. افغانستان ده تینچ‌لیک و امنیت تامین دیر و باشقه مملکت‌لر گه قرشی هیچ قنده‌ی تهدید یوق و انه‌شو کبی بو توغریده هیچ قنده‌ی سند و شواهد موجود ایمس.»
عین حالده، اوتگن کون ایران تشقی ایشلر وزیرلیگی آرقه‌لی ترقه‌تیلگن افغانستان قوشنی مملکت‌لر تشقی ایشلر وزیرلری نینگ قوشمه بیانیه‌سی‌ده، افغانستان ده ترورچیلیک تهدید‌لر خصوصیده خواطر بیلدیریلگن و شونینگدیک اسلام امیر‌لیگی‌دن افغانستان یشاوچیلری نینگ اساسی حق‌لری اینیقسه برچه قومی گروه‌لر، عیال‌لر و باله‌لر حق‌لری گه حرمت قایل بولینیشی سوره‌لگن.
ترقه‌لگن بیانیه‌ده کیلگن که: «تامان‌لر، افغانستان ده ترورچی گروه‌لر و بنگی‌وار ماده‌لر گه قرشی کوره‌ش و اوشبو مملکت نینگ ترقیاتی اوستیگه تأکید ایتگنلر. تامان‌لر، افغانستان ده همه شمول حکومت شکللنیشی و اهمیتی اوستیگه تأکید ایتیشگن. شونینگدیک تامان‌لر، برچه ترورچی گروه‌لر جمله‌دن عراق و شام اسلامی دولت، القاعده، شرقی تورکستان اسلامی جنبشی، پاکستان‌لیک طالبلر تحریکی، بلوچستان آزادی بخش ارتشی و افغانستان ده‌گی باشقه ترورچی تشکیلات‌لر، منطقه و دنیا امنیتی اوچون جدی تهدید حسابله‌نیشی اوستیگه تأکید ایتگنلر.»
بیراق سیاسی ایشلر بیلرمان‌لر، سمرقند ییغینی نینگ فایده‌لی بولیشی نی بیان قیلیب و ایتیش‌لریچه، مذکور ییغین یالغیز منطقه مملکت‌لر امنیتی خواطرلری سبب یولگه قوییلگن و افغانستان نینگ انسانی حقوق و سیاسی وضعیتی خصوصیده هیچ قنده‌ی تغییر کیلمه‌یشی ممکن.
سیاسی فعال سید‌ضیا حسینی نینگ ایتیشیچه: «افغانستان هم چین و اورته آسیا گه تاثیر قویه‌دیگن امنیتی بیر محیط‌ده. اوشبو مملکت افغانستان قوشنی‌لیگی‌ده بولگنی اوچون سعی و حرکت قیله‌دی که، افغانستان ده هر قنده‌ی یامان بیر واقعه یوز بیرگنی‌ده هم اولر نینگ فایده‌لری و هم منطقه مملکت‌لر نینگ امنیتی و سیاسی مسئله‌لری گه تاثیر قویه‌دی، انه‌شوو سبب، افغانستان موضوع‌سی نی مدیریت قیلیش اوچون سعی و حرکت قیله‌دیلر.»
بیزلرنینگ توییترده هم تعقیب قیلینگ!
شونینگدیک بیلیم یورت اوقیتووچیسی سید‌حیات‌الله حیات نینگ ایتیشیچه: «بو ییغین افغانستان اوچون ایمس ایدی، چونکه اولر افغانستان قیین‌چیلیک‌لری نی ییشیتیش‌دن آلدین، سرپرست حکومت بیلن اوز خواطرلری نی شریک قیلماق ایسته‌گنلر. بیراق اوتمیش‌ده‌گی شو کبی ییغین‌لر نینگ یولگه قوییلگنی و تکرار ایسته‌کلر گه توجه قیلگنیشی بیلن مذکور ییغین نینگ فایده‌لی بولیشی حقیده و افغانستان دولتی نینگ رفتارلری اوزگریشی اوچون کوپینچه امید موجود ایمس.»
اوتگن بیر یریم ییل‌ده بو کبی ایسته‌کلر اسلام امیرلیگی تامانیدن افغانستان ایچکی ایشلر وزیرلیگی‌ده مداخله قیلینیش حساب‌لنگنی بیرحالده، منطقه و دنیا مملکت‌لری افغانستان ده برچه قوم‌لر نینگ حضوری بیلن همه شمول حکومت شکللنیشی خصوصیده تاکید قیلگن.