۲۱-اسد، یک‌شنبه کونی کیچ قورون کابل شهری غربی قسمی «دشت برچی» حدودلریده یوک تاشووچی بیر موتر ده ییرلشتیریلگن ماین پارتلشی بیلن، اوشبو شهر اینیقسه دشت برچی اهالیسی خوفسیزلیک اداره‌لردن امنیت‌لری تأمین اېتیلیشی خصوصیده دقت قیلیش‌لرینی اېسته‌یدیلر.
کابل امنیه قوماندان‌لیگی نینگ معلوماتی اساسیده، اوشبو پارتلش عاقبتیده بیر کیشی قربان بولیب و باشقه ۱۱ کیشی یره‌لنگن.
بیزلرنینگ فیسبوک صحیفه‌میزگه باش اورینگ!
مذکور پارتلش ده یره‌لنگنلر نینگ عایله اعضالریدن بیرقطاری، انده-سنده بو گَل واقعه‌لر یوز بیریشیدن خواطر بیلدیریب و خوفسیزلیک اداره‌لردن بو منطقه امنیتی تأمین اېتیلیشی خصوصیده دقت قیلیش‌لرینی اېسته‌یدیلر.
اولرنینگ ایشانچی گه کوره، انده-سنده بو کبی واقعه‌لر یوز بیریشی اولر نینگ تینچ‌لیگینی بوزگن.
شو بیلن بیرگه، کابل امنیه قوماندان‌لیگی سۉزلاوچیسی خالد زدران، واقعه عامللرینی قولگه آلیش اوچون سعی-حرکت قیلماقده‌لیکلرینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اۉتگن کون تونس رسوملی بیر موتر ده ییرلشتیریلگن بمب پارتله‌گن و افسوس بیلن بیر کیشی هلاک بولیب و ۱۱ کیشی یره‌لنگن، واقعه گه دایر تدقیقات‌لر باشلنگن و بو واقعه گه قولی بولگنلرنی قولگه آلیش مقصدیده سعی-حرکت قیلینماقده.»
داعش اعماق تگرام کانالیده بیر بیانیه ترقه‌تیب، اوشبو پارتلش مسئولیتینی تن آلگن.
