کابل یشاوچیلریدن قطاری اوشبو شهر‌ده سوو کم‌لیگی خصوصیده خواطر بیلدیریب و ایتیش‌لریچه، صحی ایچیملیک سوو گه قول تاپه آلمه‌یدیلر.
کابل شهری نینگ کارته آریانا یشاوچیسی بولمیش حاجی سرور نینگ اویی تاغ اوستیده دیر و او هر کون ایچیملیک سوونی پس‌دن تاغ تیپه‌سیگه آلیب باره‌دی.
اونینگ کوپه‌یتیریشیچه، قشاق‌لیک و نادارلیک سبب، سوو آلیش گه کوچی ییتیشمه‌یدی و اسلامی امارت‌دن ایچیملیک سوو گه قول تاپیشلری اوچون زمینه یره‌تیلیشی نی ایسته‌یدی.
بیزلرنینگ توییترده هم تعقیب قیلینگ!
شونده‌ی بیرحالده، سوو منبع‌لری نینگ ایش بیلرمانی سید‌حسیب اصغر نینگ ایتیشیچه، کابل شهریده سوو سطحی قویی کیلگن و اسلامی امارت ییر آستی سوولر نینگ کوپه‌یشی اوچون سعی و حرکت قیلیشی کیره‌ک.
باشقه بیر تامان‌دن، سوو و انرژی وزیرلیگی نینگ ایتیشیچه، جمعیت کوپه‌یگنی و ییر آستی سوولر نینگ نادرست شکلده قوللنیشی سبب، اوشبو سوولر بیش متر پس که کیتگن.
بیزلرنینگ فیسبوک صحیفه‌میزگه باش اورینگ!
سوو و انرژی وزیرلیگی نینگ ییر آستی سوو منبع‌لر رئیسی عزیز الرحمان عزیز نینگ ایتیشیچه، مذکور وزیرلیک پایتخت‌ده سوو کم‌لیگی خصوصیده‌گی قیین‌چیلیک نی حل قیلیش اوچون ایکی بویوک پروژه نی قولگه آلگن دیر که اوشبو پروژه‌لر یولی‌دن سوو، للندر توغانی و پنجشیر دریاسیدن کابل گه انتقال تاپیشی ممکن.
ایتیش کیره‌ک که، حاضر ایسه سوو و انرژی وزیرلیگی پایتخت یشاوچیلری نینگ ایچیملیک سووی تامین‌لنیشی اوچون، قرغه توغانی و شاه‌و عروس توغانی‌دن سوو انتقال بیریش پروژه‌سی نی قولگه آلگنلر.
