ایش‌سیزلیک و قشاق‌لیک کوپه‌یگنی یانیده، حاضر ایسه ییگولیک ماده بهاسی یوقاری کیتگنی مذکور شهر یشاوچی‌لری نی خواطرلنتیرگن.
پایتخت یشاوچی‌لریدن قطاری نینگ ایتیش‌لریچه، اهالی کیره‌کلی ییگولیک ماده‌لرنی ساتیب آلیش گه کوچی ییتمه‌یدی و ییگولیک ماده‌لر بهاسی یوقاری کیتیشی گه توسیق بولینمه‌گن صورتده، کیله‌جک قیش موسمی‌ده انسانی فاجعه یوز بیریشی ممکن.
شونینگدیک دوکاندارلردن قطاری ییگولیک ماده بهاسی یوقاری کیتگنی نی تصدیق‌لب و بونینگ دلیلی نی افغانی پول برابریده دالر بهاسی یوقاری کیتگنی دیب بیله‌دیلر.
کابل شهری ده ییگولیک ماده‌لر بیرلشمه‌سی باشلیغی سعید کمال فرید صافی، افغانی پول برابریده دالر بهاسی یوقاری کیتگنی باعث، ییگولیک ماده‌لر بهاسی یوقاری کیتگن دیدی.
بیزلرنینگ فیسبوک صحیفه‌میزگه باش اورینگ!
بیراق، صنعت و سوداگرلیک اتاق اعضاسی خان جان الکوزی، افغانی پول برابریده دالر بهاسی یوقاری کیتگنی یانیده، شونینگدیک بانکی سیستم‌لرنینگ بوزیلگنی و آمریکا تامانیدن مملکت پول‌لری باغلنگنی، ییگولیک ماده‌لر بهاسی یوقاری کیتگنی نینگ دلیلی دیگن.
سونگی نیچه کون جریانیده افغانی پول برابریده دالر بهاسی نظیری کوریلمه‌گن درجه ده یوقاری کیتگن که دالر بهاسی نینگ یوقاری کیتیشی بیلن، کابل شهریده بیر بوجی اون۲۵۰۰ افغانی و بیر قوطی یاغ ۳۰۰۰ افغانی گه ساتیله‌دی.
