افغانستان خاتین قیزلری و بشر حقوقی ایشلری بوییچه آمریکا قوشمه ایالت‌لری نینگ مخصوص نماینده‌سی رینا امیری گه کوره، افغانستان برقرارلیگی اوچون خاتین قیزلر نینگ استعدادی‌دن فایده‌لنیش کیره‌ک.
خاتین قیزلر و بشر حقوقی ایشلری بوییچه آمریکا نینگ مخصوص نماینده‌سی توییتری‌ده یازیشیچه، قطر پایتختی دوحه‌ده نیچه کون افغانستان نینگ خاتین قیزلری و بشر حقوقی و بو توغریده جهان اسلام رهبریتی نینگ رولی خصوصیده قطر رسمی‌لری بیلن گپیرگن. اونینگ ایتیشیچه، قطرلیک عیال رهبرلری عمومی و سیاسی رول‌لرده مملکت نینگ آبادانچیلیگی و ترقیاتی اوچون ایشله‌یدیلر مسلمان عیاللر نینگ بیلگیسی دیر.
بیزلرنینگ فیسبوک صحیفه‌میزگه باش اورینگ!
امیری نینگ اورغولشیچه، بیرقطار متحدلری و شیریک‌لری و خاتین قیزلر ایشلری بوییچه قطر مسئول‌لری بیلن اوچره‌شیب و افغان خاتین قیزلری نینگ بیلیمی و اهمیتی و بوتوغریده‌گی هماهنگ لیک تلاش لری خصوصیده بحث ایتیب و اولر افغانستان عیاللری و هنرمندلرینی قوللب قوتلش گه متعهد ایکن‌لیکلرینی بیلدیرگن.
اونینگ کوپه‌یتیریشیچه، افغانستان ترقیاتی عیاللر گه سهم بیریلیشی گه باغلیق دیر.
عیاللر و بشر حقوقی ایشلری بوییچه آمریکا نینگ مخصوص نماینده‌سی افغانستان رباتیک تیمی بیلن اوچره‌شگن. اونینگ ایشانچی گه کوره، بو تیم افغانستان قیزلری نینگ استعدادلی و توانالیگینی کورسته‌دی. رینا امیری نینگ ایتیشیچه، قیزلر نینگ تعلیمی، اجتماعی و اقتصادی قولی لیکلر گه سبب بولیب و افغانستان نینگ آبادانچیلیگی و ترقیاتی اوچون یاردم بیره‌دی.
شونینگدیک اونینگ تأکیدلشیچه، سیاسی، اقتصادی و اجتماعی ساحه‌لرده عیاللر نینگ اورنی و استعدادینی کورسه‌تیش اوچون سعی-حرکت‌لری گه دوام بیره‌دی.
بو عین‌حالده، اسلامی امارت افغانستان‌نی کنترول قیلیش بیلن، ایریم ساحه‌لرده خاتین قیزلر گه چیکلاو یره‌تیلگن. سونگی آلتی آی‌ده، عیاللر گه دولت اداره‌لری گه ایش اجازه‌سی بیریلمه‌گن و ۶-صنف‌دن یوقاری قیز اوقووچیلری گه مکتب باریش منع بولگن.
بیزلرنینگ توییترده هم تعقیب قیلینگ!
بوندن آلدین افغانستان‌نی قیته قوریش اوچون آمریکا نینگ مخصوص تیکشیریش اداره‌سی یا سیگار نینگ اعلام قیلیشیچه، افغانستان‌ده عیاللر گه چیکلاو یره‌تیلیشی طفیلی، ۱ میلیارد دالر اوشبو مملکت اقتصادی گه زیان ایتکنینی اعلام قیلگن ایدی.
سیگار خلق‌ارا تشکیلاتی نینگ کینگه‌یتیریش دستوری گزارشی اساسیده توییتری‌ده یازیشیچه، عیاللر گه ایش اجازه‌سی بیریلمسلیگی بیلن، افغانستان نینگ ناخالص ۵ فایز تولیدی کمیه‌دی.