افغانستان عیال‌لری و بشر حقوقی ایشلری بوییچه آمریکا قوشمه ایالت‌لری نینگ مخصوص نماینده‌سی رینا امیری، اسلامی مملکتلر نینگ ایلچیلریدن قطاری بیلن اوچره‌شگنی نی خبر بیریب و ایتگن که، مذکور اوچره‌شووده اسلام دنیا‌سی نینگ عیال‌لر حقوقیدن حمایت قیلیشی خصوصیده کیلیشگنلر.
بانو امیری اوتگن کیچه (یک‌شنبه، ۱۱-ثور) توییتر صحیفه‌سیده یازگن که، اسلامی امارت نینگ قیزلر نی تعلیم و ایش‌‌دن محروم قیلگن سیاستی، مسلمان‌لر حیات کیچیره‌دیگن هیچ بیر مملکت‌ده کورینمه‌یدی.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، مکتب‌لر نینگ آیلر یاپیق قالگنیدن کیین، ۳-حمل مملکت بوییچه ۶-صنف‌دن یوقاری قیز مکتب‌لر نینگ آچیلیشی خصوصیده قرار آلینگن ایدی، بیراق مذکور کونده معارف وزیرلیگی کیینگی معلومات‌گچه متوسطه و لیسه مکتب‌لری نینگ یاپیق قالیشی نی اعلام قیلدی.
اوشه زمان‌ده معارف وزیرلیگی نینگ اطلاعیه‌سیده کیلگن ایدی که، مکتب کییمی افغانی مدنیت و اسلامی شریعت چهارچوبه‌سیده بولگن پیتده، اسلامی امارت رهبری نینگ حکمی اساسیده قیز مکتب‌لری نینگ آچیلیشی ممکن.
بیزلرنینگ توییترده هم تعقیب قیلینگ!
قیزلر مکتب‌لری نینگ یاپیلیشی خصوصیده‌گی قرار، ملی و خلق‌ارا عکس‌العمل‌لر بیلن روپه‌رو بولدی. اسلامی امارت سرپرست حکومتی حاضرگچه باسیم آستیده قرار تاپگن. شونینگدیک مذکور حکومت عیال‌لر گه دولتی اداره‌لرده ایش قیلیشلری اوچون رخصت بیرمه‌گن.
