رئال مادرید اروپا سوپر کپی ده ایتالیا نماینده‌سی آتالانتا گه غلبه قازانیب و آلتینچی مراتبه قهرمان بولدی.
بو مسابقه ۲۴-اسد، چهارشنبه دن پنج‌شنبه گه اوتر کیچه پولند نینگ «ورشو شهری» ده بولیب اوتدی.
بیزلرنینگ فیسبوک صحیفه‌میزگه باش اورینگ!
اوشبو مسابقه ده رئال مادرید تیرمه جماعه‌سی ۲:۰ حسابی بیلن آتالانتا گه غلبه قازانیب و آلتینچی مراتبه قهرمان بولدی.
بو مسابقه ده رئال مادرید اوچون والورده و کیلیان امباپه گل اوردیلر.
رئال مادرید، بارسلونا و میلان اروپا سوپر کپی ده بیش مراتبه قهرمان بولگن جماعه‌لر حسابلنر اېدی حاضر رئال آلتی قهرمان‌لیک بیلن بو رقابت‌لر نینگ رکورداری دیر.
بیزلرنینگ «ایکس» ترماغی ده هم تعقیب قیلینگ!
رئال مادرید تیرمه جماعه‌سی بوندن آلدین، ۲۰۰۲، ۲۰۱۴، ۲۰۱۶، ۲۰۱۷ و ۲۰۲۲-ییل‌لرده اروپا سوپر کپی قهرمانی بولگن.
بو ایکّی جماعه اروپا مسابقه‌لریده حاضرگه قدر اوچ مراتبه بیر-بیری بیلن قرشی‌لشگن و اوچ مراتبه رئال مادرید غلبه قازانگن.