قندوز ده رمضان هییت مناسبتی بیلن یولگه قوییلگن شمال-شرق زونی نینگ والیبال تیم‌لری نی ایکی کون‌لیک بیله شوولری، اوشبو ولایت منتخب تیمی نینگ قهرمانلیگی بیلن یکونلندی.
قندوز سپورت ریاست مسئوللری گه کوره، مذکور بیله‌شوولر قندوز بلدیه‌سی نینگ حمایتی بیلن ایکی کون بدخشان، بغلان و قندوز تیم‌لری آره‌سیده سپین‌زر استدیومی‌ده یولگه قوییلگن ایدی که نتیجه‌ده، قندوز منتخب تیمی نینگ قهرمانلیگی بیلن یکونلندی.
بیزلرنینگ توییترده هم تعقیب قیلینگ!
قندوز سپورت مسئوللری نینگ ایتیش‌لریچه، اوشبو بیله‌شوولرده قندوز منتخب والیبال تیمی بغلان والیبال تیمی نی مغلوب قیلگن و قندوز نینگ اتلان والیبال تیمی بدخشان والیبال تیمی نی مغلوب قیلیب و قندوز نینگ ایکی تیمی فاینل گه بارگن ایدی که اوشبو بیله‌شوولرده قندوز منتخب تیمی قهرمان بولیب و قندوز نینگ اتلان تیمی نایب قهرمان تانیلدی.
بیزلرنینگ فیسبوک صحیفه‌میزگه باش اورینگ!
قندوز سپورت ریاست آمری محمدقیوم رحیمی نینگ ایتیشیچه، مذکور بیله‌شوولر اینگ یخشی سپورت‌چیلرنی تانیش و اولرنی تشقی بیله‌شوولر گه تیارلش اوچون اوشبو ولایت‌ده یولگه قوییلگن.
مذکور بیله‌شوولر نینگ اداغیده سپورت ریاستی تامانیدن سپورت‌چیلر گه مدال، کپ و ساورین ترقه‌تیلگن.