اسلامی امارت، باش پناه ایزلاوچیلر ایشلری بوییچه وزیرلیگی نینگ اعلام قیلیشیچه، افغانستان مهاجرلری نینگ وضعیتی و قیین‌چیلیک‌لریگه نقطه قویش اوچون قوشنی مملکت‌لرده تورت تامانلمه ییغین اوتکزه‌دیلر.
اوشبو ییغین کیله‌سی آی افغانستان، ایران، پاکستان وبیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیشنری اورته‌سیده اوتکزیلیشی ممکن.
اسلامی امارت مهاجرلر و باش پناه ایزلاوچیلر ایشلری بوییچه وزیرلیگی مسئوللری نینگ ایتیشلریچه، اوشبو ییغین‌ده افغانستان مهاجرلری نینگ قیین‌چلیکلری اوستیده صحبت قیلینیب و اولر نینگ قین‌چیلیک‌لریگه نقطه قویش اوچون حل یول آخته‌ریله‌دی.
بیزلرنینگ فیسبوک صحیفه‌میزگه باش اورینگ!
عین‌حالده، سونگی هفته‌لرگه افغانستان مهاجرلری نینگ قیین‌چیلیکلری قوشنی مملکت‌لرده کوپه‌یگن. سونگی کونلرده اجتماعی ترماقلرده قولمه-قول بوله‌یاتگن ویدیو نوارلرده کوریلیشیچه، افغانستان یشاوچیلری ایران‌ده آزار بیریلیب کلتک‌لنه‌دیلر.
افغانسان بیرقطار یشاوچیلری نیچه کون آلدین ایران‌ده افغان قاچقین‌لری کلتک‌لنگن‌لریگه دایر اجتماعی ترماقلرده ترقه‌لگن ویدیولرگه قرشی اوشبو مملکت قنسولگرلیگی برابریده نازاضیلیک نمایش اویویشتیرگن‌لر. اعتراضچی‌لر ایران نینگ هرات‌ده‌گی نماینده‌لیگی ایشیگینی‌نی آلاو بیریب و قنسولگرلیک بناسی تامان تاش آتگن ایدیلر.
بیزلرنینگ توییترده هم تعقیب قیلینگ!
ایران تشقی ایش‌لر وزیرلیگی، اوشبو مملکت نینگ کابل و هرات‌ده‌گی نماینده‌لیک‌لریگه اویوشتیریلگن هجوم‌لرگه قرشی افغانستان ایلچیخانه‌سی نینگ کاردارینی تهران‌ده چقیردی و اوشبو ویدیولرنی یالغان خطاب قیلیب، بو ویدیولر ریجه اساسیده ایکی مملکت آره‌سیده‌گی رابطه‌لرنی بوزیش اوچون نشر ایتیلگن دیدی
