کابل بیلیم یورت‌لریدن بیری نینگ ایشیک‌لریده، مینگلب آرزو بیلن توپلنگن طلبه قیزلر قیغو_الم و کوز یاش‌لری بیلن اوی‌لری گه قیتیش مجبور بولگنلر.
«قالگن سمسترنی خورسندلیک بیلن یکونله‌نیشنی ایستر ایدیک و بو خبرنی ایشیتیش بیلن جوده خفه بولدیک و افغانستان نینگ عیال شفاکارلر گه قنچه نیازی بار، برچه گه بیللی دیر.» بو کابل طب بیلیم یورتی طلبه قیزلردن بیری نینگ سوزی دیر. بیلیم یورت نی توگه‌تیب و داکتر بولیش اوچون یالغیز بیر سمستری قالگن؛ بیراق حاضر، قیزلر نینگ تعلیمی توخته‌تیلیشی بیلن، شفاکار بولیش امیدینی بوتونلی قولدن بیرگن.
بیزلرنینگ فیسبوک صحیفه‌میزگه باش اورینگ!
کابل بیلیم یورتی طب فاکولته‌سی نینگ اوشبو طلبه‌سی گه کوره، بیلیم یورت‌لر ایشیگی قیزلر یوزی گه یاپیلیش خبری، مذکور بیلیم یورت دن فارغ بوله‌دیگن ۱۱۰ طلبه‌نی کیله‌جک‌لری گه دایر امیدسیز قیلگن.
شونینگدیک بو خبر قندرها ده طب طلبه‌سی نجیبه نینگ قیغوگه چومدیرگن. کوز یاشینی قیین بیلن توخته‌تگن نجیبه گه کوره: «عیاللر تحصیل قیلمسلیگی قرآن‌کریم نینگ قیسی آیتی و قیسی حدیث گه ثابت بولگن؟ دلیل ایتینگلر. برچه قیزلر جوده هم زحمت چیکیشگن، ایرته سیناویمیز بار ایدی، کوپ زحمت چیککندیک.»
نجیبه، قیزلر و ییگیت‌لر نینگ تحصیل اوچون برابر حقوقی بولیشی اوستیگه تأکیدلب، قیزلر گه تعلیم حقی بیریلیشی اوچون دادخواهی‌لیک بولیشینی طلب قیله‌دی.
قندهار ده طب فاکولته‌سی نینگ سونگی سمستر طلبه‌لریدن باشقه بیری سعیده، قیزلر نینگ تعلیمی توخته‌تیلیشی باعث ییغله‌ماقده، ایتیشیچه: «سوالیم بوکه، اسلام امیرلیگی رسمی‌لریدن بیری نینگ عایله‌سیدن عیال اعضالریدن بیری کسل بولیب عملیات و دوالنیشی نیاز بولسه، اونینگ عملیاتی عیال داکتر تامانیدن عملیات بولیشی یخشی می یا ده ایرکک شفاکار تامانیدن؟»
بیزلرنینگ توییترده هم تعقیب قیلینگ!
اوتگن کیچه عالی اوقوو وزیرلیگی بیر مکتوب آرقه‌لی، اولکه مقیاسیده دولتی و خصوصی بیلیم یورت‌لر گه «کیینگی امرگچه» طلبه قیزلر نینگ تعلیمی توخته‌تیلیش بویروغینی بیرگن.
عین‌حالده، اوتگن ییلی اسلام امیرلیگی حاکمیت نی قولگه آلیشیدن کیین، آلتینچی صنف دن یوقاری قیزلر نینگ مکتب باریشینی منع قیلگن.