فاریاب ایکینچیلیک ایشلری بوییچه اورین باسری نورالهدا متوکل نینگ ایتیشیچه، قیصار تومنی مرکزی دن اوشبو تومن نینگ شاخ منطقه سیگچه ۱۸ کیلومتر سرک نینگ قیته قوریش و جغل توشش ایشی، بوگون (دوشنبه، ۲۳ جوزا) باشلندی.
جناب متوکل گه کوره، بیر کیلومتر سرک نینگ قیته قوریش خرجتی ۱۸۰ مینگ افغانی بوله‌دی که ایچکی بیر شرکت بیلن قرارداد قیلینگن. توپلم شکلده قریب ۴ میلیون افغانی خرجتی بولگن مذکور سرک نینگ پولی، مملکت ایکینچیلیک وزیرلیگی تامانیدن توللنیله‌دی.
بیزلرنینگ فیسبوک صحیفه‌میزگه باش اورینگ!
فاریاب فواید عامه باشلیغی داملا حمیدالله گه کوره، مذکور ریاست ایشلاوچیلری اساسی سرک قوریلیب و فایده‌لنیشگه تاپشیریلیشی مقصدیده اوشبو سرک دن نظارت قیله‌دیلر.
قیصار تومنی اولسوالی محمداسماعیل نینگ ایتیشیچه، کونیده قریب ۲۵۰ دن ۳۰۰ موتر بو سرک دن باریب_کیله‌دی که اوشبو سرک قوریلیشی بیلن فاریاب ولایتی قیصار تومنی همده بادغیس ولایتی جوند و غورماچ تومن‌لری نینگ ۱۵۰ مینگ یشاوچسی قیینچیلیکلری حل بوله‌دی.
عین‌حالده، قیصار تومنی شاخ منطقه‌سی یشاوچیلریدن بیرقطاری گه کوره، سرک بوزوق‌لیگی طفیلی کونیده یوللری یاپیق ایدی و مذکور سرک تعمیرلنیب و جغل توشه‌لیشیدن کیین عمومی قینچلیکلری حل بولیشیگه امیدوارلر.
فاریاب ولایتی قیصار تومنی آق‌سقاللریدن بولمیش حاجی عبدالوهاب نینگ ایتیشیچه، قیصار تومنیدن شاخ منطقه‌سی گه قدر یول بوزوق‌لیگی باعث، بیمارلری یول ده تلف بولر ایدی و کونیده موترلر چپه بولیشی گه گواه ایدیلر.
بیزلرنینگ توییترده هم تعقیب قیلینگ!
مذکور قوم بویوکی نینگ ایتیشیچه، اوشبو سرک تعمیرلنیشی بیلن قیینچلیکلری بیر آز حل بوله‌دی، بیراق حکومت بو سرکنی تعمیرلب و جغل توشش گه قوشیمچه، مذکور منطقه‌لر یشاوچیلری نینگ قیینچیلیکلری بوتکول حل بولیشی اوچون اوشبو سرکنی اسفالت قیلیشی کیره‌ک.
فاریاب نینگ قیصار تومنی، اوشبو ولایت نینگ مهم تومن‌لریدن دیر که تخمیناً ۴ یوز مینگ نفوسی بار و مذکور تومن یشاوچیلری نینگ قیینچلیکلریدن بیری، قیصار تومنی قیشلاق‌لری آره‌سیده مناسب یول یوق‌لیگی دیر.