افغانستان ده بیرلشگن ملتلر تشکیلاتی جمعیت صندیغی، ۱۵-دلو، دوشنبه کونی اوز اکس صحیفه‌سیده بیر ویدیو ترقه‌تیش بیلن ایتیشیچه، افغانستان‌لیک عیاللر منطقه‌لریده فایده‌لی و درست طبی خذمت‌لردن فایده‌لنه آلمسلیک سبب، کوپراق تورلی کسل‌لیکلرگه چلینیش و اولیم خوفی آستیده قرار تاپگنلر.
شونینگدیک اوشبو صندیق‌نینگ کوپه‌یتیریشیچه، افغانستان بویلب عیاللر گه ساغلیق و طبی خذمت‌لر‌نینگ کورستیلیشی کیره‌ک. «افغانستان ده‌گی عیاللر فایده‌لی و درست طبی خذمت‌لردن فایده‌لنه آلمسلیک سبب، کوپینچه تورلی کسللیکلر گه چلینیش و اولیم خوفی آستیده قرار تاپگن. افغانستان بویلب عیاللر گه ساغلیق و طبی خذمت‌لر‌نینگ کورستیلیشی اوچون دایمی سرمایه یاتقیزیشی کیره‌ک.»
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی جمعیت صندیغی‌نینگ کوپه‌یتیریشیچه، افغانستان ده شریک‌لری و حمایتچیلری همکارلیگی بیلن، حامله عیاللر، چقه‌لاق‌لر، باله‌لر و یاش‌لر اوچون ساغلیق خذمت‌لرنی کورستیش خصوصیده سعی‌وحرکت قیلماقده‌لر.
باشقه بیر تاماندن، قیشلاق‌لردن قطاری‌ده‌گی عیاللر طبی خذمت‌لردن آزراق فایده‌لنیشلری توغریسیده شکایت قیلهدیلر.
بدخشان ولاینی یمگان شهری یشاوچیسی بهار‌نینگ ایتیشیچه: «ساووق موسوم‌لرده کسللیکلر کوپه‌یه‌دی. منطقهمیزده کلینیک بار؛ بیراق جهازلنمه‌گن. متخصص بیر قابله یوق. دارو و اوسکونه‌لر کملیگی بیلن روپه‌‌ره‌‌میز. کسل‌لیمیزنی فیض‌آباد شهری گه آلیب باره آلمه‌یمیز، یول اوزاق و هوا ساووق. کسل‌نینگ وضعیتی یولده یامان بوله‌دی.»
شونینگدیک قندوز ولایتی خان‌آباد تومنی یشاوچیسی سهیلا‌‌نینگ ایتیشیچه: «منطقهمیزده درست کلینیک‌لرگه قول تاپه آلمه‌یمیز. انه شوو سبب قیین‌‌چیلیک‌لریمیز کوپ و عاجل بیر قیین‌چیلیگیمیز بولگنی‌ده هم تومن مرکزی‌گه قدر باریش اوچون هم بیر ساعت یول یوریش‌گه مجبور‌میز.»
بیزلرنینگ «ایکس» ترماغی ده هم تعقیب قیلینگ!
قیشلاقلرده حیات کیچیره‌دیگن عیاللر، منطقه‌لریده صفتلی و فایده‌لی طبی خذمت‌لر کورستیلیشینی ایستهگنلر. لیکن ساغلیق‌نی سقلش وزیرلیگی عیاللر گه ساغیلق و طبی خذمت‌لر کورستیلیشی‌نینگ یخشی‌لنیشی توغریسیده هیچ بیر نرسه دیمه‌گن.
شونینگدیک ساغلیق‌نی سقلش وزیرلیگی مسئوللری، اوزاق منطقه‌لر یشاوچیلریدن ۷۰دن آرتیق فایزی‌نینگ دستلبکی ساغلیق خذمت‌لری‌گه قول تاپه آلمسلیک‌لیگی و افغانستان‌نینگ ۴۰۰ تومنی‌‌دن یالغیز ۹۳ تومنی‌ده کسل‌خانه بارلیگی‌نی بیان قیلگن.
