کابل شهری یشاوچیلریدن قطاری، اوشبو شهر بازارلریده آزیق-آوقت محصولاتی قیمتی کوپهیگنیدن نالیب و ایتیشلریچه، افغانی برابریده دالر نرخی آشگنی بیلن، آزیق-آوقت محصولاتی قیمتی هم کوپهیگن.
سودا ساتیب-آلیش اوچون کابل مندویسیگه بارگن شیرمحمدنینگ ایتیشیچه: «شهرده قیمتلرنینگ کنترول بولیشی کیرهک. بو ییرگه آزیق-آوقت محصولاتینی ساتیب-آلیش اوچون کیلدیم. قیمتلر آشگن و دالر نرخی کوپهیگنی سبب قیمتلر هم کوپهیگن دیهدیلر. حیران قالگنمین که نیمه قیلهی دیب.»
بیزلرنینگ فیسبوک صحیفهمیزگه باش اورینگ!
شونینگدیک آزیق-آوقت محصولاتینی ساتیب-آلیش اوچون کابل مندویسیگه بارگن یشاوچیلردن باشقه بیری خیرمحمدنینگ ایتیشیچه، قیمتلر کنترول بولمهگنی صورتده، قیمتلرنینگ آشیشی ممکن. «بیر کیلو لوبیا نی ۱۲۰ افغانیگه ساتیب آلدیم. قیمتلرنینگ کنترول بولیشی کیرهک، کنترول بولمهگنی صورتده بیر کیلو لوبیا هم ۱۵۰ افغانی بولیشی ممکن. بوگون هر دقیقه قیمتلر اوزگرماقده.»
شوندهی بیرحالده، کابل شهری مندویسیدهگی دکاندارلردن نور عالمنینگ ایتیشیچه، دالر نرخی آشگنی سبب آزیق-آوقت محصولاتی قیمتی هم کوپهیگن. «اوتگن کون بیر بوجی اون ۱۳۰۰ افغانی ایدی و بوگون ایسه ۱۴۰۰ افغانیگه ساتیلهدی. ۱۶ لیتره بیر بشکه یاغ ۱۷۰۰ افغانی ایدی که بوگون ۱۹۰۰ افغانی بولگن. برنج هم اوتگن کونی ۲۱۰۰ افغانی ایدی، بیراق بوگون ۲۳۰۰ افغانی گه ساتیلهدی. شونینگدیک برچه آزیق-آوقت محصولاتی قیمتی کوپهیگن.»
بو توغریده کابل بلدیهسی فکرینی آلیش ایستهدیک؛ بیراق اوشبو اداره مسئوللری سلاموطندارنینگ قونقیراغلریگه جواب بیرمهدی.
شوندهی بیرحالده، اقتصادی ایش بیلرمانلردن قطارینینگ ایتیشلریچه، اسلام امیرلیگی بازارلر گه کوپینچه تشقی پوللرنی کیلتیریشی بیلن، آزیق-آوقت محصولاتی قیمتی آشیشینینگ آلدینی آلیشی کیرهک.
اقتصادی ایش بیلرمانلردن شبیر بشرینینگ ایتیشیچه: «طبیعی بیر موضوع که اساسی توارلر نرخی هم اوزگرهدی و حکومت بیر قطار برنامهلرنی قولگه آلیشی و تشقی پوللرنی بازار گه کیلتیریشی کیرهک، چونکه اساسی توارلر قیمتیده تغییر کیلیشی ممکن.»
بیزلرنینگ «ایکس» ترماغی ده هم تعقیب قیلینگ!
اوتگن کونی افغانستان مرکزی بانکی، باشقه مملکتلر کبی افغانستاننینگ پول بازارلریده تغییر کیلیشنینگ طبیعی بیر حالت بولگنی نی اعلام قیلیب و یشاوچیلردن بو توغریده خواطرلنمسلیکلرینی ایستهگن.
مذکور بانک بیر بیانیه ترقهتیش بیلن ایتیشیچه، ییترلیچه مالی منبعلری گه ایگه بولیب و قیمتلرنی نورمال سقلش، نقدینگی و بازارلرده پول احتیاجلرینی حل قیلیش اوچون، ضرور چاره کوریشینی معلوم قیلگن.
