افغانستان ده اسلامی امارت سرپرست حکومتی نینگ قیته قدرت گه ایریشگنی نینگ بیرینچی ییل‌لیگی بیلن، سابق دولت سیاسی سیما‌لری و رهبرلریدن قطاری تامانیدن شکل آلگن افغانستان نی قوتقریش اوچون ملی مقاومت گینگشی، بیر آنلاین ییغین آرقه‌لی اوشبو کینگش منشوری نی ترقه‌تدی.
افغانستان نی قوتقریش اوچون ملی مقاومت کینگش عضوی همایون خیری سلام‌وطندار بیلن اوتکزگن صحبتی‌ده ایتیشیچه، قوتقریش اوچون ملی مقاومت کینگشی مذکور منشور اساسیده، ۱۶ ایش کمیته‌ده افغانستان نینگ حاضرگی حکومتی برابریده توخته‌یشی ممکن.
بیزلرنینگ توییترده هم تعقیب قیلینگ!
جناب خیری نینگ اورغولشیچه، سیاسی، حربی، انسانی حقوق و فرهنگی بولیم‌لر مذکور کینگش نینگ ایش کمیته‌لری گه شامل بولیب و افغانستان نینگ حاضرگی حکومتی برابریده توخته‌یش اوچون ایش قیلیش‌لری ممکن. اونگه کوره، مذکور کینگش ترکیبی‌ده سیاسی، حربی و فرهنگی سیما‌لردن کمیده ۵۰۰ کیشی نینگ عضویتی بار.
گرچند افغانستان نی قوتقریش اوچون ملی مقاومت کینگش منشوری‌ده، قیین‌چیلیک‌لردن چیقیش و همه شمول بیر حکومت توزه‌تیش اوچون تاکید بولگن، بیراق جناب خیری نینگ ایتیشیچه، حاضرگی حکومت بیلن نتیجه‌لی بیر مذاکره بولیشی خصوصیده ناامید دیر.
اونگه کوره: «مذاکره‌ده هم اوزیده بیر قاعده-قانونی بار و اسلامی امارت‌ده سیاسی اصول و برنامه‌سی یوق. بو رقم هیچ بیر مذاکره نتیجه بیره‌مه‌ی و اولر آمریکا بیلن بولگن مذاکره‌لرده هم پابند ایمس ایدیلر. اسلامی امارت غیرمتجانس بیر گروه دیر و بیر فکر‌ده ایمس‌لر.»
بیر قطار گزارش‌لر اساسیده، اسلامی امارت سرپرست حکومت سوزلاوچیسی ذبیح‌الله مجاهد، افغانستان نی قوتقریش اوچون مقاومت جبهه منشوری گه قرشی عکس‌العمل کورستیب ایتیشیچه، اولر مذاکره قیلیش اوچون تیارلر، لیکن حکومت‌ده فاسد سیما‌لر گه جای بیرمه‌یدیلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلامی امارت سوزلاوچی اورین‌باسرلریدن بلال‌کریمی نینگ ایتیشیچه، مذکور حکومت، یولگه قوییلگن آنلاین جلسه‌لرده بیان بولگن فکر‌لر برابریده هیچ بیر عکس‌العملی یوق و شونینگدیک افغانستان ایچیده حاضرگی حکومت گه قرشی بیر گروه نینگ فیزیکی حضوری یوق.
ینگی‌لیکده احمد مسعود رهبرلیگی‌ده ملی مقاومت جبهه‌سی پنجشیر ولایتی‌ده یوز بیرگن آتیشمه نتیجه‌سیده، حاضرگی حکومت کوچلریدن قطاری نینگ هلاک بولگنی و اولردن ۴۰ ته‌سی نینگ اسیر آلینگنی نی ادعا قیلگنی بیرحالده، اسلامی امارت سرپرست حکومتی مملکت‌ده مخالف گروه‌لر نینگ فیزیکی حضوری نی رد قیلگن.