قندهار ده سیگیرلر آره‌سیده «لمپی اسکین» کسل‌لیگی ترقهلیشی، اوشبو ولایت‌ده سیگیرلر ایگه‌لرینی خواطرلنتیرگن. اوتگن ییل قندهار ده بیرمینگ ۶۰۰دن آرتیق سیگیر نینگ بو کسل‌لیککه چلینیشی سبب، تلف بولگن.
قندهار ولایتی دامان تومنی‌ده‌گی چاروه‌دارلردن قطاری نینگ ایتیشلریچه، مذکور ولایت ایکینچیلیک، چاروه‌چیلیک و سووغاریش ریاستی و یاردم بیرووچی نهادلر، تیزلیک بیلن سیگیرلر آره‌سیده «لمپی اسکین» کسل‌لیگی نینگ اورته‌دن کیتکزمه‌گنلری صورت‌ده، سیگیرلردن کوپ قطاری نینگ تلف بولیشی ممکن.
بیزلرنینگ «ایکس» ترماغی ده هم تعقیب قیلینگ!
بو توغریده قندهار ولایتی دامان تومنی‌ده‌گی سیگیردارلردن دوست‌محمد نینگ ایتیشیچه: «قیشلاغیمیزده تورت یا-ده بیش سیگیر فارمی بار؛ اوشبو فارم‌لردن قطاریده بیر یا-ده ایکی باش سیگیر تلف بولگن و مذکور فارم‌لردن قطاری حاضرگچه تینچ دیر.»
قندهار ایکینچیلیک، چاروه‌چیلیک و سووغاریش ریاستی مسئوللری نینگ ایتیشلریچه، یاردم بیرووچی نهادلر همکارلیگی بیلن تیزلیککه سیگیرلر آره‌سیده لمپی اسکین کسل‌لیگی نینگ اورته‌دن کیتیشی خصوصیده سعی‌وحرکت بوله‌دی.
بیزلرنینگ فیسبوک صحیفه‌میزگه باش اورینگ!
قندهار ایکینچیلیک، چاروه‌چیلیک و سووغاریش ریاستی نینگ چاروه‌چیلیک مدیری فهیم گه کوره، لمپی اسکین سیگیر آزوقه‌سی کمه‌یشی گه سبب بولیب و دوالنمه‌گنی صورت‌ده، سیگیر اولیمی گه سبب بوله‌دی.
حاضر قندهار ده ۶۵۰ چاروه‌چیلیک فارمی بار که قریب ۱۲۵ مینگ باش سیگیر سقلنه‌دی.