بیرینچی مرته، قندهار ده بیر کون‌لیک زعفران کورگزمه‌سی یولگه قوییلگن. اوشبو کورگزمه گه مذکور ولایت نینگ تورلی تومن‌لریدن ایکینچیلر اشتراک قیلیب و محصول‌لری نی نمایش گه قویگنلر.
مذکور کورگزمه اوتگن کون (پنج‌شنبه، ۲-قوس)، قندهار ده هالند کمیته‌سی آرقه‌لی «زعفران کوکنار اورنیده یخشی بدیل» اسمی آستیده، یولگه قوییلگن.
شونده‌ی بیرحالده، قندهار زعفران انجمنی باشلیغی محمد داوود نینگ سلام‌وطندار گه ایتیشیچه، زعفران ایکیلیشی اوچون اوشبو ولایت هواسی مناسب دیر و اونگه کوره، ایکینچیلر زعفران ایکیش بیلن یخشی محصول قولگه کیلتیریشلری ممکن.
بیزلرنینگ فیسبوک صحیفه‌میزگه باش اورینگ!
قندهار زعفران انجمن باشلیغی نینگ کوپه‌یتیریشیچه، مذکور ولایت‌ده زعفران ایکیلیشی اوتگن ییل گه قره‌گنده ۳۰ فایز کوپه‌یگن. اونگه کوره، حاضرگچه ایکینچیلردن قطاری زعفران ایکیلیشی نی تعلیم کوریب و باشقه ۳۰ کیشی ایسه هرات ولایتی گه زعفران ایکیلیشی نی اورگنیش اوچون یوباریلگن دیر.
محمد داوود نینگ ایتیشیچه، اوشبو ولایت‌ده ۵۰۰ ایکینچی مذکور اوسیم‌لیک ایکیلیشی بیلن شغللنگن. «اهالی کیلیب و زعفران نی کورگنی اوچون جوده‌یم خورسند‌میز. زعفران یخشی و درجه‌یک ایدی. خوشحال و سوپرنگین زعفرانی بار ایدی. پیرآغا اسمی‌ده زعفران بار ایدی که یخشی زعفران دیر. اوشبو اوسیم‌لیک نینگ ایکیلیشی قندهار ده ینگی‌لیکده باشلنگن، بیراق ینه هم کوپ ایکیلگن.»
باشقه بیر تامان‌دن، ینگی‌لیکده زعفران ایکیلیشی نی باشله‌ب و بو ییل ایکینی‌دن یخشی محصول قولگه کیلتیرگن ژیری تومنی یشاوچیسی عبدالقادر نینگ ایتیشیچه، مذکور ولایت‌ده بو اوسیم‌لیک نینگ ایکیلیشی ینگی بیر سنت گه اوزگرگن. او قندهار ایکینچیلک، سووغاریش و چاروه‌چیلیک ریاستی دن، مذکور ولایت‌ده‌گی او و باشقه ایکینچیلر گه، زعفران ایکیلیشی اوچون نیاز بولگن نرسه‌لر و دارو یره‌تیلیشی نی ایسته‌یدی.
عبدالقادر نینگ ایتیشیچه: «ژیری تومنی یخشی زعفران تولید قیله‌دی. هرات ده کورگنی‌میز باشقه بیر نرسه ایدی؛ بیراق بیز نی زعفرانی‌میز باشقه نرسه. قوروتیش وسیله‌لری یوق بیزده. بو توغریده مؤسسه‌لر همکارلیک قیلگنی‌ده، ان‌شاءالله یخشی حاصل قولگه کیلتیریشی‌میز ممکن.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، هالند کمیته باشلیغی عبدالهادی سلام نینگ سلام‌وطندار گه ایتیشیچه، زعفران ایکیلیشی اوچون ایکینچیلر گه کیره‌کلی تعلیم‌لر بیریلیب و نیاز بولگن نرسه‌لر ایسه اولر نینگ اختیاری گه قرار بیریلگن دیر. اونینگ کوپه‌یتیریشیچه: «بو توغریده اولر گه معلومات بیردیک و اولر نی یقین‌دن کورگن‌میز. بو پروژه‌ده قندهار نینگ دامان، پنجوایی، ژلی و میوند کبی بیش تومنی‌ده فعال‌میز. بیر بیرلری گه دسترسی‌لری بولگن ۷ کیشی گه، بیر پایه جنراتور بیلن زعفران نینگ قوروتیش سیستم‌لری و محصول نینگ ییغیش کیت‌لری نی ترقه‌تگن‌میز.»
قندهار نینگ زعفران انجمنی معلومات اساسیده، ارغنداب، دند، پنجوایی، میوند و ژیری تومن‌لریده ۵۰۰ ایکینچی قریب ۳۰۰ جریب ییری گه زعفران ایکن که، هر کیلو زعفران‌دن اورته شکلده ۹۰ مینگ افغانی درآمد قولگه کیلتیرگنلر.
