ساغلیق نی سقلش وزیرلیگی سرپرستی قلندر عباد، بوگون یولگه قوییلگن خبری بیر ییغین‌ده ایتیشیچه، مملکت نینگ قیشلاغ‌لریدن قطاریده ساغلیق خذمت‌لر درست بیر شکلده ترقه‌لمه‌یدی.
ساغلیق نی سقلش وزیرلیگی سرپرستی، ساغلیق خذمت‌لر نینگ ترقه‌لیشی وضعیتی‌دن خواطر بیلدیریب و ایتیشیچه، زابل، پکتیا، پکتیکا، خوست، بادغیس و تخار ولایت‌لریده ساغلیق خذمت‌لر نینگ عرضه قیلینیشی آز دیر و شونینگدیک نورستان ولایتی‌ده ساغلیق خذمت‌لر هیچ عرضه بولمه‌یدی.
بیزلرنینگ فیسبوک صحیفه‌میزگه باش اورینگ!
جناب عباد نینگ اورغولشیچه، مملکت قیشلاغ‌لریده ساغلیق خذمت‌لر نینگ یخشی‌لنیشی اوچون سعی و حرکت قیله‌دیلر.
شونده‌ی بیرحالده، ولایت‌لردن قطاریده حیات کیچیره‌دیگنلردن قطاری ساغلیق خذمت‌لر نینگ ترقه‌لمه‌یشی خصوصیده شکایت قیلیب و ایتیش‌لریچه، منطقه‌لریده دستلبکی ساغلیق خذمت‌لردن فایده‌لنیش امکانیتی گه هم ایگه ایمس‌لر.
یشاوچیلردن صلاح‌الدین نینگ سلام‌وطندار گه ایتیشیچه، اوشبو ولایت‌ده تورلی کسل‌لیک‌لر کوپه‌یگنی بیرحالده، بیراق اولر کیره‌کلی دارولر گه قول تاپه آلمه‌یدیلر.
سرپل یشاوچیسی محمد‌ظریف نینگ سلام‌وطندار گه ایتیشیچه، کلینیک، دارو و داکتر یوقلیگی ساغلیق خذمت‌لر نینگ ارایه‌سی خصوصیده‌گی اساسی قیین‌چیلیک‌لردن دیر.
اونینگ کوپه‌یتیریشیچه: «متخصص داکترلر بیلن دارو گه نیازی‌میز بار، حاضر ایسه طبابت بولیمی‌دن فارغ بولگن ییگیت‌لر ایش‌سیز دیر و دولت اولر نی ساغلیق بولیم‌لرده ایش گه آلیشی کیره‌ک.»
غور یشاوچیلریدن نجیب‌الله ساغلیق خذمت‌لر عرضه قیلینیشی گه تیگیشلی ایتیشیچه، اوزاق منطقه‌لرده ساغلیق خذمت‌لر موجود ایمس که بعضا آنه‌لر نینگ اولیمی گه هم سبب بوله‌دی. او، اسلامی امارت‌دن، اوشبو ولایت‌ده ساغلیق خذمت‌لر نینگ یخشی‌لنیشی نی سوره‌گن.
شونده‌ی بیرحالده، ساغلیق سکتوری بیلرمانی فیاض صافی نینگ ایتیشیچه، ولایت‌لردن قطاریده ساغلیق سکتوری بولیمی‌ده دنیا یاردم‌لری نینگ کیسیلگنی سبب، قیشلاغ‌لرده ساغلیق خذمت‌لر درست شکلده ترقه‌لمه‌یدی.
بیزلرنینگ توییترده هم تعقیب قیلینگ!
بوندن آلدین دنیا ساغلیق تشکیلاتی نماینده‌لری، افغانستان یشاوچیلریدن ۱۰ میلیونی ساغلیق خذمت‌لر امکانیتی گه ایگه بولمه‌گنلری منطقه‌لرده حیات کیچیریش‌لری نی ایتگنی بیرحالده، اوشبو بیانات مطرح بولگن.
شونینگدیک مذکور تشکیلات افغانستان ده اسلامی امارت نینگ قدرت گه ایریشگنیدن کیین، اوشبو ممکت ساغلیق توزومی اورته‌دن کیتیب و شونینگدیک یوزلرچه ساغلیق مرکز یاپیلگن دیر.