جوزجان یشاوچیلریدن قطاری نینگ ایتیش‌لریچه، یول قوریش، بنا قوریش و شهروندلیک شرطنامه شرکت‌لری طالبان گه باج بیره‌دی. جوزجان یشاوچی‌لریگه کوره، طالبان اوزاق ییرلرده و بو ولایت تومن‌لریده عمل گه آشیریله‌دیگن هر بیر پروژه و برنامه نینگ ۱۰ فایز بودجه‌سینی آله‌دی.
شبرغان یشاوچیلریدن بیری فدا محمد نینگ ایتیشیچه، یول قوریش، بنا قوریش و شهروندلیک شرطنامه شرکت‌لری طالبان گه باج بیره‌دی که بو پروسه نینگ دوام تاپیشی رواجلنتیریش پروژه‌لر و قطار برنامه‌لرنینگ توغری و بوتونلی عمل گه آشیریلمه‌یشی گه سبب بوله‌دی.
جوزجان نینگ اوشبو یشاوچیسی گه کوره، قراردادی شرکتلر بو فرصتدن فایده‌لنیش بیلن کیره‌کلی موادلرنی بازارنینگ نرخی دن یوقاری قیمت گه ساتیب آله‌دیلر. او، بو ولایت محلی مسئوللریدن طالبان نی کوچلنتیریش و اولرنینگ تمویل و جهازلنتیریش اوچون حرکت قیله‌دیگن کیشیلرنینگ قولگه آلیب و جزالنتیریلیشی نی سوره‌گن.
بیزلرنینگ فیسبوک صحیفه‌میزگه هم باش اورینگ!
جوزجان محلی رسمی‌لری بنا قوریش و یول قوریش شرکتلر ایگه‌لری نینگ آگاه‌لنتیریب ایتیش‌لریچه، طالبان گه پول بیریشدن وازکیچیش‌لری کیره‌ک بولمه‌گن صورتده، باش قاره‌لاوچیلیککه تانیتیلیش‌لری ممکن.
جوزجان محلی رسمی‌لریگه کوره، بو وضعیت نی دوام تاپیشی امنیتی کوچلرگه قرشی طالبان نینگ صفی نی کوچلنتیره‌دی و بو طالبان گه همکارلیک قیلیش نی کورسته‌دی.
بیزلرنینگ توییتر ده هم تعقیب قیلینگ!
جوزجان حاکمی جنرال محمد هاشم رییس نینگ ایتیشیچه، طالبان گه هر نام آستیده پول بیره‌دیگن هر بیر کیشی یا-ده شرکت ۱۸ ییل حبس بوله‌دی. جوزجان حاکمی گه کوره، طالبان باج آلیش بیلن اوزلرینی تمویل و جهازلنتیریب و اهالی و امنیتی کوچلرگه قرشی اوروشه‌دیلر.
جناب هاشم نینگ کوپه‌یتیریشیچه، بیت‌المال دن بی گناه اهالی نی اولدیره‌دیگن بیر گروه گه پول بیریش خیانت دیر و اونینگ عامل‌لری جزالنتیریلیشی کیره‌ک.
بو بیاناتلر ارایه ایتیلگن بیرحالده، جوزجان یشاوچیلریدن قطاری نینگ ایتیش‌لریچه، طالبان گه باج بیریش پروسه حاضر هم قطار تومن‌لرده دوام ایتیب کیلماقده.
