کابل ده، تورکیه نینگ ناتو چارچوبه‌سیده ایشله‌یدیگن ایشلاوچی‌لر ۱۲ کون دن بویان تورکیه ایلچی‌لیگی مقابلی ده اعتراض قیلیب تورکیه تامانیدن تورت آی‌لیک معاش‌لری تولنیشی نی ایسته‌گنلر. اعتراضچی‌لر نینگ ایتیشیچه، بو مدت گه قدر، تورکیه ایلچی‌لیگی تامانیدن هیچ بیر جواب بولرگه بیریلگن ایمس.
تورکیه نینگ ناتو چارچوبه‌سیده ایشله‌یدیگن بیرقنچه سابق ایشلاوچی‌لری، که افغانستان ده ایشله‌گن‌لر، ۱۲ کون دن بیری تورکیه ایلچی‌لیگی مقابلی ده، اعتراض قیلیب تورکیه تامانیدن تورت آی‌لیک معاش‌لری تولنیشی نی ایسته‌یدی‌لر.
بیزلرنینگ فیسبوک صحیفه‌میزگه باش اورینگ!
اعتراضچی‌لر بیر قطعنامه صادر قیلیشگن، بو قطعنامه ده، ینه ۱۰ گه قدر حقوق‌لری تولنیلمسه، تورکیه گه قرشی ناتو و انسان حقلری کینگشی گه شکایت قیله میزدیب آگاه‌لنتیریشگن.
فردین بهایی و باشقه بیری مستعار اسم بیلن نصرالله نینگ ایتیشیچه، اون‌ایکی کون دن بیری مشروع حقلری اوچون اعتراض قیلیشگن؛ اما هنوزگه قدر هیچ جواب آله‌آلمه‌گن.
بو اعتراض گه تیگیشلی، کابل ده‌گی تورکیه ایلچی‌لیگی نینگ فکری نی سوره‌ش‌گه تلاش قیلدیک، اما مذکور ایلچیلیک نینگ مسوول‌لری جواب بیریش‌گه حاضر بولمه‌دیلر.
