نیپال ده اجتماعی ترماقلر تقیقلنگنیگه قرشی کینگ کولملی ناراضلیک نمایشلری اوتکزیلگنی نتیجهسیده، کمیده ۱۹ کیشی اولیب و ۱۰۰ دن آرتیق کیشی یرهلنگن.
خلقارا ییتکرمهلرنینگ گزارشی اساسیده، نیپال دولتی بوگون ایرتنگ چاغی (۱۸-سنبله، سهشنبه)، ناراضلیکلر کوچهیگنیدن کیین، اجتماعی ترماقلردن فایدهلنیش بوییچه چیکلاولرنی بیکار قیلگن.
نیپال علاقه و معلومات بوییچه تکنولوژی وزیری پیتوی سوبا گورونگنینگ اعلام قیلیشیچه: «اجتماعی ترماقلرگه قوییلگن چیکلاولر بیکار قیلیندی و حاضر اوشبو پلتفرملر فعال دیر.»
مذکور چیکلاولر واتساپ، فیسبوک، اینستاگرام، لینکدین و یوتیوب شامل ۲۶ پلتفرمدن عبارت بولیب، دولت «ناتوغری معلوماتلر، اَلدهش و نفرت یرهتیش» بیلن قرشی کورهش مقصد اولرنی یاپگن ایکن.
«جنبش نسل زی» آتیده تانیلگن ناراضلیک نمایشلر، کوپراق یاشلر و طلبهلرآرقهلی اورته گه کیلیب و اینترنتی چیکلاولر بیلن قرشی توختهش گه علاوه، مملکت اقتصادی قیینچیلیکلری و فساد گه قرشی شعارلرنی هم اَیتگنلر.
خوفسیزلیک کوچلری پارلمان بناسیگه معترضلر کیریشینینگ آلدینی آلیش اوچون اوروش اوقی، پلاستیکی اوقلر، کوزنی یاشرتیرووچی گاز و سوو سیپیلهدیگن ماشینلردن فایدهلنگنلر.
رسمی منبعلر، یرهلنگنلر سانینی ۱۰۰دن آرتیق کیشی دیب اعلام قیلگن؛ لیکن گزارشلردن قطاریگه کوره، یرهلنگنلر رقمی ۴۰۰دن آرتیق کیشیگه ییتیشگن.
کوزهتووچیلر اوشبو ناراضلیکلرنی سونگی بیر نیچه دههدهگی نیپالنینگ اینگ کوچلی ترتیبسیزلیکلریدن بیری دیب بیان قیلگنلر.
