فلسطین ساغلیقنی سقلش وزیرلیگینینگ اعلام قیلیشیچه، نوار غزه ده آلتی کیشی آچرچیلیک و توییب آوقتلنمسلیک طفیلی وفات قیلگن. خلقارا ییتکرمهلرنینگ بوگون (۱۸-سنبله، سهشنبه)، گزارش بیریشیچه، مذکور کیشیلر اوتگن بیر کیچهوکوندوزده نوار غزه ده حاکم بولگن آزیق-آوقت انقراضی نتیجهسیده، وفات قیلگنلر.
سمنگان ده محلی مسئوللرنینگ ایتیشلریچه، ۲۸ میلیون افغانی عوضیگه دنیا بانکینینگ مالی حمایتی بیلن تورتته سوو ییتکزیش ترماقنینگ قوریلیش ایشی باشلنگن.
فراه ده محلی رسمیلرنینگ ایتیشلریچه، اوشبو ولایت بالابلوک تومنیده جایلشگن یشش بیر اویده ییرلشتیریلگن پارتلاوچی مادهلرنینگ پارتلهگنی نتیجهسیده، بیر عایلهنینگ ییتی اعضاسی اولگن.
نیپال ده اجتماعی ترماقلر تقیقلنگنیگه قرشی کینگ کولملی ناراضلیک نمایشلری اوتکزیلگنی نتیجهسیده، کمیده ۱۹ کیشی اولیب و ۱۰۰ دن آرتیق کیشی یرهلنگن.
خلقارا ساغلیقنی سقلش تشکیلاتینینگ اعلام قیلیشیچه، یاردملری دوامیده کنر ولایتیده زلزلهدن جبرلنگن کیشیلرگه ۳۵ تُن طبی جهاز یاردم بیرگن.
افغان قیزیل آی جمعیتی، افغانستان شرقی ولایتلریده زلزلهدن جبرلنگنلرگه یاردم بیریش مقصد، سویسنینگ ۲۰ تُن انسانسیورلیک یاردم یوبارگنینی معلوم قیلگن.
مکسیکو ده یولاوچی تاشووچی بیر اوتوبوسنینگ بیر ریل بیلن توقنشگنی نتیجهسیده، ۱۰ کیشی اولیب و ۶۰ دن آرتیق کیشی یرهلنگن.
کابل شهرینینگ مکروریان کهنه منطقهسی بیر چیککهسیده، بیر دکان یانیده اولتیرگن؛ اوتکزگن قیینچیلیکلرینی ایجین توشگن پیشانهسیدن بیلیش ممکن. عمریدن ۱۲ ییلنی بنگیوار ماده استعمال قیلیش بیلن اوتکزگن ۳۴ یاشر هجرتالله، نیچه پیتدن بیری اعتیادنی ترک قیلیب و دوددن اوزاق بولگن بیر حیاتگه قیتگن.
