سرکلر اوستیده‌گی آزیق-آوقات‌لر تیزلیک بیلن پیشیشی و ارزان بولگنی سبب، دنیا‌ده اینگ کوپ مشهور آوقت‌لردن بولیب، شونینگدیک مملکت‌لردن کوپ قطاری جمله‌دن افغانستان ده کوپ آلینه‌دی.
افغانستان ده سرکلر اوستیده ساتیله‌دیگن آزیق-آوقات‌لر، ساغلیق مسئله‌لر نینگ رعایه بولمه‌سلیگی بیلن، مشتری‌لر گه ساتیله‌دی که بو مسئله، یشاوچیلر نینگ شکایتی گه سبب بولگن.
پایتخت یشاوچیلریدن قطاری شکایت قیلیب ایتیشلریچه، سرکلر اوستیده آزیق-آوقات ساته‌دیگنلر، ساغلیق مسئله‌لر نی رعایه قیلمه‌یدیلر.
بیزلرنینگ فیسبوک صحیفه‌میزگه باش اورینگ!
اولر نینگ کوپه‌یتیریشلریچه، مملکت‌ده سرکلر اوستیده ساتیله‌دیگن آزیق-آوقات و ایچگولیک نرسه‌لر، کوپراق چیقیندی بولگن جویچه‌لر یانیده ساتیله‌دی.
کابل نینگ کارته‌نو منطقه‌سی، چیقیندیلر بیلن تولگن جویچه‌لر یانیده سرکلر اوستیده آزیق-آوقات ساتیله‌دیگن و مشتری‌لر گه عرضه بوله‌دیگن منطقه‌لردن دیر که، بو مسئله یشاوچیلر نینگ خواطرلنتیرگن.
شونده‌ی بیرحالده، کابل شهری یشاوچیلریدن گلاب‌جان نینگ ایتیشیچه، سرکلر اوستیده آزیق-آوقات و ایچگولیک نرسه‌لر ساته‌دیگن کراچی‌لر، سرکلر اوستیده ساغلیق مسئله‌لر نی رعایه قیلمه‌سدن فعالیت قیله‌دیلر.
اونینگ کوپه‌یتیریشیچه: «ساغلیق نقطه نظردن، بو آزیق-آوقات صحی ایمس. بیر تامان‌دن دود و باشقه تامان‌دن هوا نینگ افلاسلیگی دیر. ساغلیق نی سقلش‌دن بو آزیق-آوقات‌لر گه خاص بیر شکلده توجه قیلیش‌لری نی ایسته‌یمیز.»
کابل شهری یشاوچیلریدن باشقه بیری حمید نینگ ایتیشیچه، سرکلر اوستیده آزیق-آوقات تیار قیله‌دیگنلر، ساغلیق مسئله‌لر نی رعایه قیلمه‌یدیلر و آزیق-آوقات نی پیشیریش چاغیده هم تاریخی اوتگن یاغ‌لردن قوللنه‌دیلر.
مذکور کابل یشاوچیسی، سرپرست حکومت مسئوللریدن، سرکلر اوستیده نرسه ساته‌دیگنلر نینگ کوپراق نظارت قیلیش‌لری نی ایسته‌گن.
باشقه بیر تامان‌دن، سرکلر اوستیده آزیق-آوقات ساته‌دیگنلر نینگ ایتیشلریچه، مذکور آزیق-آوقات‌لر نی کوپینچه طرف‌داری بار و کونده یوزلرچه کیشی اوشبو ییمک‌لردن قوللنه‌دیلر.
فلافل ساته‌دیگنلردن رفیع‌الله نینگ ایتیشیچه، کونده ۲۰۰-۲۵۰ مشتری‌سی بار. اونگه کوره، سرکلر اوستیده آزیق-آوقات ساته‌دیگنلر ساغلیق مسئله‌لر نی رعایه قیله‌دیلر.
کابل شهری‌ده سرکلر اوستیده آزیق-آوقات ساته‌دیگنلردن باشقه بیری فردین نینگ ایتیشیچه، خام مادهلر نرخی نینگ یوقاری کیتگنی بیلن، بیراق کونده ۲۰۰ مشتری‌سی بار.
اونینگ کوپه‌یتیریشیچه، ساغلیق مسئله‌لر نی رعایه قیلیش مقصد، ییگولیک مادهلر نی شیشه‌یی المار‌ی‌لر ایچیگه قویه‌دی.
بیزلرنینگ توییترده هم تعقیب قیلینگ!
شونده‌ی بیرحالده، شفاکارلر نینگ ایتیشلریچه، انسان‌لر گه مکروب‌لر نینگ انتقال تاپیش یول‌لریدن بیری سرکلر اوستیده‌گی ناساغلام آوقات‌لردن قوللنیش دیر.
وزیر محمد‌اکبر خان کسل‌خانه‌سیده داخله بولیمی متخصصی داکتر سید‌فرید نینگ سلام‌وطندار گه ایتیشیچه: «یوقمه کسل‌لیک‌لردن کوپینچه‌سی، انه شوو سرکلر اوستیده‌گی آزیق-آوقات‌دن انتقال تاپه‌دی. یوویلمه‌گن گیلاس و ایدیش‌لر آرقه‌لی اچ‌پایلری، محرقه و باشقه ویروس‌لر انتقال تاپه‌دی.»
باشقه بیر تامان‌دن، کابل بلدیه مسئوللری نینگ ایتیشلریچه، سرکلر اوستیده‌گی آزیق-آوقات‌لردن کوپراق نظارت قیلیش اوچون، ینگی‌لیکده ینگی طرزالعمل نی عمل گه آشیریلیشی ممکن.
کابل بلدیه سوزلاوچیسی نعمت‌الله بارکزی نینگ ایتیشیچه: «بو توغریده طرزالعمل تیارلگن و طرزالعمل نینگ کوریلگنی‌دن کیین، لایحه اساسیده، مذکور ساتووچیلردن جواز آله‌میز. تیکشیریشلری‌نیز قانونی بولسین و اولر گه طرزالعمل توزه‌تگن‌میز.»
ایتیش کیره‌ک که، بو کبی آزیق-آوقات بهاسی نینگ آز بولگنی سبب، مشتری‌لردن کوپ قطاری نی ایشچیلر، قول اوستیده سودا ساته‌دیگنلر و درآمدی آز بولگن کیشی‌لر تشکیل بیره‌دی.