فاریاب ولایتی نینگ قیصار تومنی یشاوچی‌سی صفرمحمد، کم بغللیک و کسللیک باعث، اوتگن کیچه اوشبو ولایت مرکزی میمنه شهریده دنیا دن اوتگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
صفرمحمد نینگ اقارب‌لریدن بیری سیدمامون نینگ ایتیشیچه، شدتلی آتیشمه‌لر سبب، او بیر ییل آلدین میمنه شهریگه آواره بولگن ایدی و آغاچ دن توزلگن بیر خیمه‌گه تیریک‌چیلیک قیله‌ریدی.
سیدمامون نینگ ایتیشیچه، صفرمحمد «یخ» ساتیش بیلن اوزی و عایله‌سی نینگ خره‌جتی‌نی تامین قیله‌ریدی، بیراق سونگی کونلرده کسل بوله‌دی و اقارب‌لریدن بیریدن ۵۰۰ افغانی قرضه آلیب داکترگه مراجعت قیلگن.
اونینگ کوپه‌یتیریشیچه، صفرمحمد ۲۵۰ افغانی معاینه‌سی اوچون بیره‌دی، لیکن باشقه ۲۵۰ افغانی بیلن دارو آلیش‌گه موفق بولمه‌یدی و دارو آلمه‌گنی سبب، اوتگن کیچه دنیا دن اوتگن.
صفرمحمد نینگ تورموش اورتاغی‌نی ایتیشیچه، ایری سابق‌لرده امنیتی کوچلر قطاریده فعالیت قیله‌ریکن و آتیشمه نتیجه‌سیده یره‌لنگن و طالبان دن قورقگنی سبب، میمنه شهریگه کیلگن ایدی.
سلام‌وطندار اوزبیک بولیمی‌نی فیسبوک‌ده تعقیب قیلینگ
فاریاب محلی مسوول‌لری واقعه خصوصیده معلومات‌لری یوق‌لیگی‌نی بیلدیرگن.
