ننگرهار ده محلی رسمی‌لر‌نینگ ایتیشلریچه، تورخم ده پاکستان تامانیدن اویوشتیریلگن هجوملر نتیجه‌سیده، قریب ۸۰۰ عایله اوی‌لرینی ترک قیلگنلر. اولرگه کوره، بی‌جا بولگن عایله‌لر‌نینگ تیکشیریلیشی باشلنگن و بو پروسه یکون‌لنگنی‌دن کیین، اولرگه یاردم ترقه‌تیلیشی ممکن.
ننگرهار قاچقین‌لر باشلیغی بازمحمد عبدالرحمان‌‌نینگ ایتیشیچه: «تورخم و غورکی منطقه‌سیده، قریب ۸۰۰ عایله اویی‌نی ترک قیلگن. بو توغریده تیکشیروو باشلنگن و ان‌شاءالله تیزلیک‌ده اولرگه یاردم بیریلیشی ممکن.»
بیزلرنینگ «ایکس» ترماغی ده هم تعقیب قیلینگ!
تورخم منطقه یشاوچیلریدن قطاری‌نینگ ایتیشلریچه، پاکستان چیگره‌چیلری آرقه‌لی اوی‌لری و دکان‌لری نشان‌گه آلینیب و کوپینچه زیان کورگنلر.
بو توغریده تورخم ده جایلشگن «غورکی» منطقه یشاوچیلریدن روقیل‌نینگ ایتیشیچه: «پاکستان تامانیدن هاوان آتیلدی. عیال و باله‌لریمیز‌نی قوتقره آلدیک. پاکستان تامانیدن اوق آتیله‌ر ایدی و بیللی ایمس ایدی که قییرگه تیگه‌دی. او ییرده کیلیب و بو ییرگه پناه کیلتیردیک. کیچه یامغیر هم یاغدی و هیچ نرسه‌میز یوق ایدی.»
مذکور منطقه یشاوچیلریدن باشقه بیری عبدالحق‌نینگ ایتیشیچه: «یامان بیر وضعیت‌ده او ییردن چیقدیک. باله‌لریمیز‌نی قوتقردیک؛ بیراق نه چادریمیز بار و نه کمپل. هیچ بیر نرسه‌میز یوق. پاکستان تامانیدن اوق آتیلدی و او قصدی شکلده اوی‌لرنی نشان‌گه آلدی.»
شونینگدیک تورخم ده یوز بیرگن توقنشوولردن زیان کورگن عایله‌لردن قطاری‌نینگ ایتیشلریچه، پاکستان چیگره‌چیلری اسلام امیرلیگی کوچلری بیلن یوزمه-یوز توقنشوو گه کوچی ییتمه‌گنی سبب، بعضا تینچ اهالی اویی‌نی نشان گه آله‌دی.
بو توغریده عبدالشکور‌نینگ ایتیشیچه: «پاکستان تامانیدن ایشیک‌نینگ آچیلیشینی ایسته‌یمیز. بو قوشنی بیر مملکت اوچون یخشی ایمس. ایکی تامان‌ده هم پشتون‌لر حیات کیچیره‌دی و ایکی تامان هم زیان کوره‌دی. حاضر روزه آیی دیر. اوی‌گه بولگنیمیزده حداقل بیران لقمه نان بوله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، لعل‌پور تومنی‌ده قاچقین‌لر کمپی مسئولی محمدهاشم میوند‌وال، اوی‌لرینی ترک قیلگن عایله‌لر گه یاردم بیریلیشی توغریسیده ایتیشیچه: «بی‌جا بولگن عایله‌لر گه یاردم بیریلیشی اوچون حاضر ایسه بیر قطار موسسه بو ییرگه کیلیب و تیکشیروولری‌نی باشله‌گنلر. بیزلر هم اولرگه دست‌لبکی امکانیت‌لرنی یره‌تیش اوچون سعی‌وحرکت قیله‌میز.»
ایتیش کیره‌ک که، تورخم بندری یاپیلگنی‌دن ۱۳ کون اوتیب و بو مدت‌ده، ایکی تامان‌ده یوزلب یولاوچی، مینگ‌لب نقلیه واسط و وضعیتی یامان بولگن کسل‌لر یول آچیلیشینی کوتیب تورگن.
