پاکستان افغانستان فقرالری نینگ کیم‌لیک بیلن اوشبو مملکت گه سفر قیلیشینی منع قیلیشیدن کیین، پاکستان‌ده قالگن اولکه یشاوچیلریدن قطاری، ایریم قیینچیلیکلر گه روپه‌ره بولگن.
تورخم بندرگاهی‌دن پاسپورتلی کیلگن یوللاوچیلر نینگ ایتیشلریچه، بند قالگن‌لر آره‌سیده باله‌لر و عیاللر شامل دیر که اوشبو مقدس مبارک آی‌ده قیینچلیککه قالگن‌لر. اولر نینگ ایتیشلریچه، چیگره اوتامانده‌گی‌لر نینگ حتا ییترلی پول و امکانیت‌لری یوق.
بیزلرنینگ فیسبوک صحیفه‌میزگه باش اورینگ!
مسافرلردن سیداحمد ولی گه کوره: «کیم‌لیک بیلن پاکستان بارگن‌لر گه حاضر قیتیش رخصتی بیریلمه‌یدی. جوده هم قیین چونکه بیر تاماندن رمضان و باشقه تاماندن هوا ایسیق دیر. اوشبو ایکی کونده اولکه گه قیتیش امیدیده ایدیک، لیکن بیز گه رخصت بیریلمه‌یدی. کتته قیینچیلیککه قالگن میز.»
بوندن آلدین پاکستان، آغیر بیمار بولگن‌لردن باشقه کیمسه گه پاسپورت‌سیز رخصت بیرمر ایدی، بیراق بعضی‌لر کیم‌لیک بیلن مذکور مملکت سفر قیله آلر ایدی.
اسلامی امارت سوزلاوچیسی نینگ اورین باسرلریدن بلال‌کریمی نینگ ایتیشیچه، خارج‌ده قیینچلیککه قالگن برچه افغان‌لر نینگ قیینچیلیگی دیپلماتیک یول بیلن حل قیلینیشی اوچون سعی و حرکت قیلماقده‌لر.
بوندن آلدین بو تاماندن اهالی نینگ چیقیشی اوچون کوپ قیینچیلیکلر بار ایدی، بیراق تورخم کمیساری غازی‌الله هاشمی گه کوره، اوشبو قیینچیلیکلر بیر آز حل بولگن.
غازی هاشمی نینگ ایتیشیچه: «یوللاوچیلر نینگ بو تامانده‌گی قیینچیلیگی حل بولگن، یوللاوچیلر اوچون تورر جای و قولی‌لیک ایجاد ایتگن میز.»
بیزلرنینگ توییترده هم تعقیب قیلینگ!
بو عین‌حالده، ینگی لیکده پاکستان نینگ افغانستان ایشلری بوییچه مخصوص نماینده‌سی محمد صادق خان، پاکستان‌ده بند قالگن افغان‌لر اوشبو ییل ۲۹ اپریل گچه کیم‌لیک بیلن قیتیش‌لرینی بیلدیرگن.
برچه‌سی بیلن، پاکستان رسمی‌لری افغان‌لر نینگ باردی_کیلیش قیینچیلیگی حل بولیب و قولی‌لیک یره‌تیلیشیدن ایشانچ بیلدیرگن ایدیلر، بیراق بیرگن وعده‌لری گه حاضرگچه عمل قیلمسلیکلریدن تنقید بولماقده.