سلاموطندارنینگ ۱۵ یاش (۹ اوغیل و ۶ قیز) بیلن صحبتی شونی کورستهدی کی، اوشبو یاشلر ایکی ییل دوامیده پادکست تیارلش بیلن شغللنیب کیلگن. پادکست – تورلی ساحهده منتظم روشده اودیو و ویدیو فایل تیارلب ترقهتیش دیر.
گزارشده صحبت قیلگن یاشلرنینگ ایتیشیچه، کوپراق اودیو، مدنیت، تعلیم، دینی موضوعلرنی تیارلب و یوتیوب، فیسبوک، اینستاگرام و تلگرام کبی تورلی اجتماعی ترماقلرده ترقتهدیلر. اوشبو یاشلردن ۳ نفری دینی، ۴ نفری مدنیت، ۶ نفری تعلیم و ۲ ایکی نفری اېسه راونشناسلیک ساحهسیدهگی موضوعلرنی تیارلهیدیلر. اوشبو یاشلرنینگ ۸ نفری، پادکست تیارلش آرقهلی درآمد قیلیشی و ۷ نفری هم اوشبو یونهلیش آرقهلی درآمد قیلیش گه سعی-حرکت قیلماقدهلیکلرینی ایتگنلر.
خیام خموش، آلتی آیدن بیری علمی پادکست تیارلش گه قیزیققن یاشلردن بیری. اونگه کوره، یشاوچیلرنی اونیملی و ریکلام تینگلش گه ترغیب قیلیش اوچون سعی-حرکت قیلماقدهلیگینی بیلدیرهدی.
او شوندهی دیېدی: «سۉنگی وقتلرده استه-سیکین یشاوچیلرنی بیلیم، مدنیت و تعلیم، روانشناسلیک، طبیات، ادب و فرهنگ ساحهسیدهگی موضوعلرنی ایزلش گه قانیقتیردیک و یاشلر گه شونی ایتهمیز کی یخشی نرسهلرنی ایشیتسینلر.»
بیلیم و اسلامی موضوعلر حقیده پادکست تیارلهیدیگن سمیعالحق اسلمی گه کوره، بوندهی پادکستلرنی تیارلشدن مقصدی، یشاوچیلر حیات یخشی یولینی قولیلیک بیلن تنلش اوچون ساده تیل بیلن بیلیم و دینی موضوعلرنی اورگهتیش دیر. اونینگ ایتیشیچه: «بیلیم و مستند نقطهی نظردن دینی مسئلهلر گه قرهسنگیز، کورهسیز بولرنینگ کوپینچهسی شخصی فکر-ملاحظه دیر. شو سببلی بو حقده خبردارلیک اوچون سعی-حرکت قیلهیپمن؛ دستلب قیسقه مقالهلر و کېین اېسه قیسقه ویدیولرنی تیارلهدیم بعضیلر خوش قرشی لهدی و بعضیلر تنقید؛ بیراق بو یولَک دوام اېتماقده.»
وحیدالله جهش، آلتی آیدن بیری اوشبو یول آرقهلی درآمد قیلهیاتگن یاشلردن بیری. او اجتماعی ترماقلردن فایدهلنیب اۉز ایزلاوچیلری اوچون تورلی موضوعلرنی تیارلهیدی. اونینگ ایتیشیچه، پادکستلر فیسبوک، یوتیوب و اودیو پلتفرملر کبی اجتماعی ترماقلرده ترقهتیلهدی. او شوندهی دیېدی: «ایش باشیده کوپینچه قیینچیلیک بیلن روپهره بولدیم و اقتصادی قیینچیلیک بار اېدی. افغانستانده پادکست تیارلش جوده هم قیین؛ چونکه مردم قیسقه موضوعلرده موضوع مقصدینی آلالمهیدی؛ بیراق پادکستلر موضوعلری، اوزون و علمی دیر.»
سمیعه ایکی ییلدن بیری پادکست تیارلش گه یوز کیلتیرگن ایتیشیچه، بو یولَک نهفقط او اوچون درآمد منبع دیر، بلکه اونینگ مهارتلری اوسیشیگه آلیب کیلگن. اونگه کوره: «بوتوغریده ایشلنسه یخشی؛ چونکه ساده موضوعلر قولیلیک و کم خرهجت بیلن تیارلنهدی و بیز پادکست آرقهلی بو احتیاجلرنی حل قیله آلهمیز.»
بیر ییلدن بویان پادکست تیارلب کیلهیاتگن نازنین رسولی گه کوره، ایش باشیده یخشی سوژه تنلش، مسلکی جهازلر یېتیشمسلیگی، انترنت قیینچیلیگی و مالی حمایت یوقلیگی کبی معمالر بیلن روپهره بولگن. او شوندهی دیېدی: «بیر ییلدن بیری پادکست تیارلهی من؛ حاضرگچه درآمدیم بولمهگن. پادکست تیارلهگن پیتده، اونی یوتیوب آرقهلی ترقتهمن. اېندی مردم اینیقسه یاشلر اجتماعی ترماقلرده کوپراق فایدهلنماقده. ایشنی باشلشده یگانه معما مالی حمایت یوقلیگی دیر مین هم خودّی شوندهی معما گه دوچ بولدیم؛ اېندیلیکده یخشی.»
بیلیم یورت استادلرینینگ فکریچه، پادکستلر تعلیمی ینگی اوسکونه صفتیده، علمی و فرهنگی معلوماتلردن فایدهلنیش امکانیتینی یرهتگن. اولرنینگ ایتیشیچه، پادکستلر مرکب نرسهلرنی ساده و قیزیقرلی تیل بیلن بیان قیلیشی ممکن.
ژورنالیزم فاکولتهسیده استاد مژگان ژاله شوندهی دیېدی: «بوندهی پادکستلر و تعلیمی ویدیولر یاشلرنینگ فکریگه مثبت تأثیر قویهدی؛ اینیقسه اجتماعی، روانشناسلیک، شخصی اوسیش بارهسیده. بو موضوعلرنینگ کوپینچهسی یاشلرنینگ فکری اوسیشی و ترغیب بولیشیگه آلیب کیلهدی.»
تکنالوژی بیلرمانلری، تکنالوژیدن فایدهلنیش یاشلرنینگ کونیکمه و صلاحیتلرینی آشیریش اوچون اېنگ کتته امکانیت ایکنیگه ایشانهدیلر و بو اولرنی شخصی همده کسبی رواجلنیش و موفقیت یولیده قۉللب قوتلشی ممکن، دیب حسابلهیدیلر.
تکنالوژی بیلرمانی قریب آرین گه کوره: «بیر ییگیت تکنالوژی و انترنت آرقهلی قیله آلهدی اېنگ یخشی کورسلردن فایدهلنیب و تورلی تیللرنی اورگنسه و شونینگدیک تخصصی و مسلکی مهارتلرنی اورگهنیب و باشقهلر بیلن علاقه قورسه.»
اقتصادی مسئلهلر بوییچه متخصصلر یاشلر آرهسیده دیجیتالی ایش اهمیتینی تأکیدلب، دیجیتال فعالیتلرنینگ کېنگهیشی فقط یاشلر اوچون کوپراق ایش اورینلرینی یرهتگنینی، بلکی مملکت اقتصادی اوسیشیده هم مهم رول اوینب، عنعنوی منبعلر گه بولگن قرهملیکنی کمهیتیریشی ممکنلیگینی ایتیشماقده.
اقتصادشناس عبدالنصیر رشتیا شوندهی دیېدی: «یاشلر آرهسیده پادکست تیارلش موضوعسی جوده کتته اهمیت گه ایگه بولیب، کوپلب ایش امکانیتلرینی یرهتهدی و اولر اوچون درآمد منبعی بولیشی ممکن. یاشلر کتته اۉز عایلهلریگه اقتصادی جهتدن یاردم بیریشلری و باشقه یاشلر گه هم ایش امکانیتلرینی یرهتیشلری ممکن.»
شو بیلن بیرگه، مخابرات و تکنالوژی معلوماتی وزیرلیگی مسئوللری، مملکت بویلب علاقه و انترنت خذمتلرینی رواجلنتیریش گه حرکت قیلهیاتگنینی، عادی اهالینینگ، دولت ادارهلرینینگ همده بیلیم یورتلر کبی علمی موسسهلرنینگ اخبارات و تکنالوژیلر گه کیریشینی یخشیلش مقصد قیلگنینی ایتیشهدی.
اوشبو وزیرلیک سۉزلاوچیسی عنایتالله الکوزی شوندهی دیېدی: «سایبری امنیت ساحهسیده مخابرات وزیرلیگیده علیحده مستقل باشقرمه موجود بولیب، او مملکتنینگ دیجیتالی مکانی خوفسیزلیگیگه اعتبار قرهتهدی. اوشبو باشقرمه موجود بوشلیقلرنی انیقلش و سایبرینینگ آلدینی آلیش آرقهلی مهم چارهلرنی عملگه آشیرماقده.»
اخبارات و مدنیت وزیرلیگی مسئوللری هم قانون قدریتلر گه ضد بولگن موضوعلر ترقهلیشینینگ آلدینی آلیش مقصدیده برچه یېتکرمهلر همده اجتماعی ترماقلر اوستیدن تولیق نظارت آلیب بارهیاتگنینی، بو ایشنینگ مقصدی اېسه جماعت منفعتلرینی حمایه قیلیش و تیزیم تمایللریگه ماسلشتیریش ایکنینی ایتهدیلر.
اوشبو وزیرلیک سۉزلاوچیسی خبیب غفران سلاموطندار بیلن صحبتده شوندهی دیېدی: «پادکستلر اجتماعی، مدنی، سیاسی و باشقه هر قندهی ساحهده بولسین، اگر اولر یېتکرمه موضوع یا کی اجتماعی ترماقلر آرقهلی ترقهتیلسه، وزیرلیک تیزیم سیاستی و تمایللری اساسیده نظارت جریانینی عملگه آشیرهدی. اوشبو تېکشیرو نتیجهسیده ضررلی و فایدهسیز موضوع مجازی مکانده آلدی آلینهدی.»
افغانستانده پاکست، حلی ینگی بولیشیگه قرهمی، یاش اولادنی اوزیگه جلب ایتگن. اوشبو یېتکرمه فارمتی خبردارلیکنی آشیریش، اۉزینی رواجلنتیریش همده قرهشلرنی تینچ یول بیلن افاده ایتیش اوچون قولی امکانیت حسابلنهدی.
