افغانستانده اسلامی امارت حاکم بولگنیدن ایکی آی اوتماقده، بلخ ده یانغین ماده‌لر بهاسی ایکی برابر بولگن. اوشبو ولایت یشاوچی‌لری نینگ جاری وضعیتدن خواطر بیلدیریب ایتیش‌لریچه، قیش موسومی ییتیب-کیلماقده و اولر قیش موسومی اوچون یانغین ماده‌لرنی تیار قیله آلمه‌یدیلر.
بلخ مرکزی مزارشریف یشاوچی‌لریدن بولمیش بابر و عیدمحمد قیش موسومی‌گه آغاچ تیارلش مقصد ده آغاچ ساتیله‌دیگن بازارگه کیلگنلر. اولر، کم‌بغللیک، ایش‌سیزلیک و یانغین ماده‌لر بهاسی یوقاری کیتگنیدن تنقید قیله‌دیلر.
بیزلرنینگ فیسبوک صحیفه‌میزگه باش اورینگ!
صفت‌الله ۱۰ ییلدن بویان مزارشریف شهریده آغاچ ساته‌دی. اونینگ ایتیشیچه، گاز و آغاچ نی یوقاری بها بیلن ساتیب آله‌دیلر و یوقاری بهاگه ساتیش‌گه مجبور دیرلر.
بلخ ولایتیده هر ییل قیش موسومی ساووق بوله‌دی و دستلبکی ماده‌لر بهاسی یوقاری بولگنی اهالی‌گه قرشی قیین‌چیلیک یره‌تگن.
بلخ ده یانغین ماده‌لر بهاسی یوقاری بولگنی خصوصیده اسلامی امارت مسوول‌لری فکرینی آلیش اوچون سعی و حرکت قیلدیک، لیکن موفق بولمه‌دیک.
