پروان مرکزی چاریکار شهری نینگ یشاوچی‌لریدن اونلرچه‌سی، بو شهر سوداگرلریدن بیری اوغیرلنگنی گه قرشی اعتراض بیلدیریشگن. اعتراضچی‌لرنینگ ایتیش‌لریچه، چاریکار شهری نینگ تانیقلی چینی‌ساتووچی‌لریدن بیری حفیظ‌الله بوگون (شنبه ۴- ثور) ساعت ۳:۴۰ اطرافیده مسجد تامان کیته‌دیگن بیرچاغده، آق رنگلی کرونا تیپلی موترگه مینیلگن ناتانیش قوراللی کیشیلر آرقه‌لی اوغیرلنگن.
اعتراضچیلر پروان ولایت مقام بناسی برابریده توپله‌نیب، بو ولایت امنیتی مسئوللری و محلی اداره‌سی نینگ توجه‌سیزلیگیدن تنقید قیلیب و اوغیرلنگن کیشی نینگ قوییب یوباریلیشی نی سوره‌شگن.
اوغیرلنگن سوداگر نینگ ایناغه‌سی حاجی نبی‌الله نینگ سلام‌وطندارگه ایتیشیچه، آدم اوغیرلاوچیلر پروان ولایت مقام بناسی نینگ ۲۰۰ مترلیگیده ایناغه‌سینی اونینگ و ایناغه‌سی نینگ اوغلی نی کوزلرینی برابریده کلتکلب اوزلری بیلن آلیب کیتگن.
شونده‌ی بیرحالده، پروان پولیس قومندانلیگی مسئوللری بو حادثه نی تصدیقلب ایتیش‌لریچه، بو توغریده پولیس تیکشیرووگه باشله‌گن. پروان پولیس قومندانلیگی نینگ خوفسیزلیک آمری گه کوره، آدم اوغیرلاوچیلر نی تانیب و قولگه آلیش اوچون کشفی نهادلرنینگ سعی و حرکت‌لرینی دوامی بار.