پروان ترافیک مدیریتی مسئوللری، اوشبو ولایت مرکزی حدودلریده یوز بیرگن ترافیکی حادثه عاقبتیده توقیز کیشی یره‌لنگنیدن خبر بیره‌دیلر.
پروان ترافیک مدیریتی ترافیکی واقعه‌لرنی تیکشیریش آمری عبدالحمید محمدی اوشبو خبرنی تصدیقلب سلام‌وطندار گه ایتیشیچه، بوگون (سه‌شنبه، ۲۶ ثور) توش دن کیین ساعت ۳:۳۰ اطرافی ده، پروان مرکزی ییتتینچی خوفسیزلیک حوزه حدودلری گه قره‌شلی «سر رباط» منطقه‌سیده، «کرولا» رسوملی بیر موتر بیلن «سراچه» رسوملی بیر موتر توقنشگن.
بیزلرنینگ فیسبوک صحیفه‌میزگه باش اورینگ!
جناب محمدی نینگ کوپه‌یتیریشیچه، مذکور واقعه ده اوچ عیال، تورت ایرکک و ایکی باله شامل توقیز کیشی یره‌لنگن.
عین‌حالده، پروان ۱۰۰ بسترلیک تخصصی کسلخانه آمری محمدضمیر افضلی گه کوره، واقعه طفیلی توقیز کیشی اوشبو کسلخانه گه انتقال بیریلیب و ساغلیک احوال‌لری قانیقرلی دیر.
بیزلرنینگ توییترده هم تعقیب قیلینگ!
پروان ترافیک مدیریتی ترافیکی واقعه‌لرنی تیکشیریش آمری، مذکور واقعه هیداوچیلر نینگ دقت‌سیزلیگی باعث یوز بیرگن دیدی.
