اوتگن کون ناروی پایتختی اسلوده اسلامی امارت تشقی ایشلر وزیرلیگی نینگ سرپرستی امیرخان متقی ییتکچیلیگیده اسلامی امارت هیأتی و افغانستان نینگ سیاسی و مدنی جماعه‌چیلیک فعال‌لری آره‌سیده بیرکون‌لیک ییغین اوتکزیلدی.
اسلامی امارت تشقی ایشلر وزیرلیگی نینگ سوزلاوچیسی عبدالقهار بلخی بیر بیانیه ترقه‌تیب ایتیشیچه، اوشبو ییغینده مذاکره‌لر تامانی اولکه نینگ حاضرگی وضعیتی اوستیده بحث ایتگن‌لر.
اعلامیه‌ده کیلیشیچه، ییغینده اشتراک ایتگن مذاکره‌لر تامانی، افغانستان برچه‌نینگ قوشمه اویی بولگنی خصوصیده اورغولب و مملکت نینگ سیاسی، اقتصادی و خوفسیزلیگی اوچون برچه افغانلر قوشمه ایش قیلیش‌لرینی سوره‌شگن.
اعلامیه اساسیده، اوشبو ییغینده اشتراک ایتگن‌لر، افغانستانده‌گی موجود برچه قیینچیلیک‌لرگه نقطه قوییلیش یگانه یولی، کیلیشوو و مشترک ایشلش دیب و بو کبی ییغین‌لر اوتکزیلیشینی مملکت اوچون اونملی دیگنلر.
بیزلرنینگ فیسبوک صحیفه‌میزگه باش اورینگ!
عین حالده، اسلامی امارت سوزلاوچیسی نینگ اورین باسری بلال کریمی نینگ ایتیشیچه، دیپلوماتیک مناسبت‌لرنی کوچه‌یتیریش، سرمایه‌یاتقیزیش، اقتصادی مسئله‌لر و آمریکا تامانیدن توسیلگن پول‌لر آزاد ایتیلیشی، اوشبو ییغینده بحث‌گه آلینگن موضوع‌لردن دیر.
اسلامی امارت تشقی ایشلر وزیرلیگی نینگ سرپرستی ناروی‌گه سفر قیلگن بیرحالده، اوشبو مملکتده یشه‌یدیگن افغان‌لردن قطاری اسلامی امارت و مذکور ییغینده اولرنینگ چقیریلیشی‌‌گه قرشی ناراضی‌لیک بیلدیریشگن. اعتراضچیلر ناروی تشقی ایشلر وزیرلیگی نینگ بناسی یقیینیده «اسلامی امارت»گه قرشی شعار بیرگنلر.
اسلامی امارت تشقی ایشلر وزیرلیگی سرپرستی ییتکچیلیگیدهگی هیأت، شنبه کونی ناروی نینگ رسمی تکلیفی اساسیده، مذکور مملکت پایتختی اسلو گه ییتیب باردیلر.
اسلو ییغینی بوگون و ایرته آمریکا و اروپا اتفاقی نماینده‌لری حضوری بیلن دوام تاپیشی کوتیلگن.