پنجشیر ولایتی عنابه تومنی نینگ «آب‌دره» قیشلاغی یشاوچیسی بولمیش رفیع‌الله نینگ سلام‌وطندار گه ایتیشیچه، باله‌سی سوو چیچک کسل‌لیگی گه چلینگن و شفاکار ایسه باله‌سی نینگ ساغلیق وضعیتی خصوصیده ایشانچ بیرگنلر.
رفیع‌الله گه کوره، اوشبو کسل‌لیک نینگ علامت‌لری قیزه‌میققه اوخشه‌یدی و اوشبو کسل‌لیککه چلینگن کیشی بیرینچی‌ده ایسیتمه چیقره‌دی، کیین ایسه تنی گه قیزیل دانه‌لر چیقه‌دی.
شونینگدیک پنجشیر نینگ شتل تومنی یشاوچیسی نور‌بی‌بی نینگ ایتیشیچه، ییتی یاشر قیزی سوو چیچک کسل‌لیگی گه چیلنگن.
بیزلرنینگ فیسبوک صحیفه‌میزگه باش اورینگ!
اونگه کوره، اوشبو کسل‌لیک قوشنی‌‌لریدن قیزی گه یوقیشگن و اونینگ آلدی آلینمه‌گن صورت‌ده، کیله‌جک‌ده برچه قیشلاق اهالی‌سی بو کسل‌لیککه چلینیشی ممکن.
مذکور عیال پنچشیر ساغلیق نی سقلش ریاستی مسئوللریدن، اوشبو کسل‌لیک ترقه‌لیشی نینگ آلدی نی آلیش اوچون، سعی و حرکت قیلیش‌لری کیره‌ک.
شونده‌ی بیرحالده، پنجشیر ساغلیق نی سقلش ریاست رئیسی اسد‌الله نجات نینگ سلام‌وطندار گه ایتیشیچه، سوو چیچک یوقمه بیر کسل‌لیک دیر و کوپراق باله‌لر چلینه‌دی.
جناب نجات، ایسیتمه، تاماق آغریق، ریزش و تن نینگ خارش‌له‌یشی نینگ، اوشبو کسل‌لیک علامت‌لریدن عنوان قیلیب کوپه‌یتیریشیچه، مذکور کسل‌لیک اولدیرووچی ایمس و درمان بولینیشی ممکن.
بیزلرنینگ توییترده هم تعقیب قیلینگ!
اونگه کوره، اوشبو کسل‌لیککه چلینگن کیشی‌لر سانی کوپه‌یگن و هر کون کوپینچه کیشی کلینیک‌لر گه مراجعت قیله‌دیلر.
پنجشیر ساغلیق نی سقلش رئیسی، برچه عایله‌لردن باله‌لریده سوو چیچک کسل‌لیگی علامت‌لری نی کورگنلری صورت‌ده، اولر نی مکتب گه یوبارمه‌ی و کسل‌لری گه سویوق نرسه‌لر، لبنیات و میو بیریش‌لری نی ایسته‌گن.
باشقه بیر تامان‌دن، پنجشیر نینگ رخه تومنی‌ده «چهل بستر» کسل‌خانه شفاکارلری، سوو چیچک کسل‌لیگی گه چلینگنلر سانی کوپه‌یگنی نینگ سببی نی، باله‌لر وجودی ضعیف‌لیگی، درست آوقاتلنمه‌سلیگی و نظافت نینگ رعایت ایتیلمه‌سلیگی عنوان قیلگنلر.
اولر نینگ ایتیشلریچه، سوو چیچک کسل‌لیگی، ساووق اورمه گه اوخشش بیر کسل‌لیک دیر و انه شوو سبب، اهالی اوشبو کسل‌لیک نی جدی آلمه‌ی و شفاکارلر یانیگه مراجعت قیلمه‌یدیلر.
