پنجشیر ساغلیق‌نی سقلش ریاستی مسئوللری نینگ ایتیشلریچه، اوشبو ولایت ده جاری ییل نینگ دستلبکی آلتی آیی ایچیده تاووق‌لر نینگ سوو چیچک کسلی گه چلینیش نینگ ۷۷ واقعه‌سی کوزه‌تیلگن.
باله‌لری تاووق‌لر نینگ سوو چیچک کسلی گه چلینگن پنجشیر ولایتی قطار قیشلاق‌لر نینگ اهالیسی، اوشبو کسل‌لیک کوپه‌لیشیدن خواطر بیلدیرماقده‌لر.
پنجشیر عنابه تومنی «آب‌دره» قیشلاغی یشاوچیسی قدریه، باله‌سی تاووق‌لر نینگ سوو چیچک کسلی گه چلینگن ایتیشیچه، شفاکارلر باله‌سی نینگ ساغه‌لیشیدن ایشانچ بیرگن بولسه‌لرده؛ لیکن مذکور کسل‌لیک باشقه‌لر گه یوقیشیدن تشویش ده دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «ایکی باله‌م تاووق‌لر نینگ سوو چیچک کسلی گه چلینیب و کسلخانه ده بستری بولیب و حاضر ساغه‌لیشگن. خوفلی کسل‌لیک دیر. ایسیتمه، زکام و تماغ آغریق ایدیلر، تنه‌لریده دانه چیققن ایدی.»
کیچیک ایناغه‌سی تاووق‌لر نینگ سوو چیچک کسلی گه چلینگن شاداب گه کوره، اوشبو کسل‌لیک نینگ بیلگی‌لری قیزه‌میق کبی دیر و بیمار دستلب ایسیتیب و کیین ایسه تنه‌سیده قرمزی شکل دانه‌لر چیقه‌دی. او نینگ ایتیشیچه: «سوولی بخارلری بولیب و اشتهاسی یوق ایدی. ایناغه‌م گه قوشنی‌لریمیز دن یوقدی، خوفلی کسل‌لیک دیر.»
پنجشیر یشاوچیلری، مسئوللردن تاووق‌لر نینگ سوو چیچک کسلی اهالی آره‌سیده ترقه‌لیشی گه توسیق بولیش اوچون آگاهی‌لیک بیریش برنامه یولگه قوییب و بوتوغریده جدی اقدام قیلیش‌لرینی سوره‌یدیلر.
عین‌حالده، پنجشیر ساغلیق‌نی سقلش ریاستی مسئوللری نینگ ایتیشلریچه، اوشبو ییل باشله‌نیشیدن حاضرگه قدر، مذکور ولایت ده تاووق‌لر نینگ سوو چیچک کسلی گه چلینیش نینگ ۷۷ واقعه‌سی کوزه‌تیلگن. اولر گه کوره، اوتگن ییل ده پنجشیر ده اوشبو کسل‌لیک نینگ هیچ بیر واقعه‌سی قید ایتیلمه‌گن.
بیزلرنینگ «ایکس» ترماغی ده هم تعقیب قیلینگ!
پنجشیر ساغلیق‌نی سقلش ریاستی ساغلیک مراقبت‌‌لر مسئولی خواجه‌آقا غفوری نینگ سلام‌وطندار گه ایتیشیچه: «پنجشیر ده تاووق‌لر نینگ سوو چیچک کسلی گه چلینیش نینگ ۷۷ واقعه‌سی کوزه‌تیلگن. بیش یاشر دن ۱۵ یاشر گچه بولگن باله‌لر، ۲۸ قیز و آلتی ییگیت و باشقه‌سی بیش یاشنی تولدیرمه‌گن باله‌لر، هم قیزلر و هم اوغیل باله‌لر دیر. عایله‌لر دن طبی قاعده‌لرنی رعایت قیلیش‌لرینی ایسته‌یمیز، بو کسل‌لیک کوزه‌تیلگن تقدیرده، قرنطین یا که ساغلیک مرکزی گه مراجعت قیلیش‌لرینی ایسته‌یمیز. ییترلی دارو ساغلیک مرکزلرده موجود دیر.»
تاووق‌لر نینگ سوو چیچک کسلی، یوقوملی کسل‌لیک بولیب و کوپراق باله‌لر اوشبو کسل‌لیککه چلینه‌دی. شفاکارلر نینگ ایشانچی گه کوره، باله‌لر نینگ مذکور کسل‌لیککه چلینیش و ترقه‌لیش سببی، عایله‌لر نینگ بو کسل‌لیککه چلینیشی، کیشی نینگ ایمی سیستمی ضعیف‌لیگی، ییترلی آوقت‌لنمسلیک و طبی قاعده‌لر رعایت ایتیلمسلیگی دیر.