پنجشیر ساغلیق‌نی سقلش ریاستی مسئوللری نینگ ایتیشلریچه، قویاش جاری ییل نینگ باش آلتی آیی‌ده، اوشبو ولایت‌ده ۱۷۰۰دن آرتیق توییب آوقاتلنمسلیککه چلینگن واقعه ثبت بولگن.
پنجشیر ساغلیق‌نی سقلش ریاستی اورین‌باسری خواجه‌آقا غفوری نینگ سلام‌وطندار گه ایتیشیچه، جاری ییل نینگ باشلنگنی‌دن حاضرگچه، بیش یاش نی تولدیرمه‌گن ۱۷۷۹ باله جدی توییب آوقاتلنمسلیککه چلینیب و اوشبو ولایت ساغلیق مرکزلریده ثبت بولگن دیر.
بیزلرنینگ «ایکس» ترماغی ده هم تعقیب قیلینگ!
پنجشیر ساغلیق بولیمی مسئوللری مذکور ولایت‌ده توییب آوقات‌لنمسلیک کوپه‌یگنی سببی نی، کیت‌مه-کیت قوروقچیلیک و عایله‌لر نینگ درست و ییترلی آزیق-آوقات گه قول تاپه آلمه‌سلیگی عنوان قیلگنلر.
اولر نینگ کوپه‌یتیریشلریچه، بوندن آلدین پنجشیر ده باله‌لر و حامله عیال‌لر گه آزیق‌لنتیریش خذمت‌لری عرضه بولمه‌س ایکن؛ بیراق سونگی کونلر بو پروسه باشلنگن دیر.
بیزلرنینگ فیسبوک صحیفه‌میزگه باش اورینگ!
ساغلیق بولیمی مسئوللری گه کوره، باله‌لر و حامله عیال‌لر گه آزیق‌لنتیریش خذمت‌لر عرضه‌لنیشی، توییب آوقات‌لنمسلیک نینگ کمه‌یشی و آلدی آلینیشی اوچون فایده‌لی دیر.
ایتیش کیره‌ک که، ولایت‌لردن کوپ قطاریده باله‌لر، تورلی سببلر جمله‌دن آزیق-آوقات ناتینچیلیگی اوچون توییب آوقاتلنمسلیککه چلینیب یا-ده اوشبو کسل‌لیک طفیلی جان بیره‌دیلر.
